1 SAMUIL 14:24 - Tanou Moonsoi Timugon

²⁴ Paat orou raginio mangalawo ulun ru Israil ra nangaitilan sabap ra Raja' Saul nagibot koson ragitio, “Kaulas noyo ulun ondo' mangakan ra atan pana ra orou raiti', ra kalo poyo mansuli' aku ra pantula'.” Ginio ra kolondo' sangulun pana ondo' nangakan buoi ru orou raginio.

1 SAMUIL 14:24 ပူးပေါင်းရင်းမြစ်များ

MAZMUR 18:47

Naayag Tuhan! Koompor noyo manunungka' kuno! Potonowo' noyo katulayan ri Aki Kapuuno' mamamayag kuno!

AMSAL 11:9

Raguon ru ulun malaat makaimbolo' ra ulun; kapintaran ru ulun moonsoi mapakaayag.

IMAMAT 27:29

Iou pana ra ulun ondo' pinatimpok noyo ra kolondo' syarat tayar ru Tuhan, kalo maalap kapuli'; musiti' potoyon ulun no.

IMAMAT 5:4

Amon ru magibot sasangulun ra bonyowon koson mambaal ra atan ayuk, makasala io ra natutunan no ayuk binaal nano.

UNTABAN 21:2

Ulun ru Israil pana mokoondo' ra nazar ra Tuhan. Indagu ilo, “Iou Tuhan, amon ru mangiou Kou ramon mangala ra mamagun ru pagun ragitio, luuson mai bandar-bandar nilo am niayuk mamagun ru bandar, koson ra tatandu' ru ngaangai' no Okou tatangan.”

UNTABAN 5:21

polosoon noyo Tuhan mapasauk ra inggalan muno rondo' ulas ra gino ngai' ru bansa' muno. Kumumpis tingkuangon muno am kumabung tinai' muno.

ROMA 10:2

Mampaintutun aku ra ilo ti mirot toojo mangandoi ri Aki Kapuuno', kaa' binaal nilono kalo inimpuun ra katutunan intor ri Aki Kapuuno'.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

JOSUA 6:26

Paat raginio napatanou i Josua ra pangkaraan ragitio, “Osoi ondo' kuminam mambaal saguli' ra bandar Jiriko ulason ru Tuhan. Osoi ondo' mapabanta' ra batu maatang no matatakan ra anak katuaan. Osoi ondo' mambaal ra kulobon garabang no matatakan ra anak pupusan.”

TINGGANAI RU BANSA' 1:28

Pakagaai ikang ru ulun ru Israil, nampajajal ilo ra ulun ru Kanaan nangandoi risilo, kaa' lakat poyo kalo pinagiru' nilo ngaangai' ulun ru Kanaan intor ra giu' no.

TINGGANAI RU BANSA' 5:2

Omporo' noyo Tuhan! Ulun tutumula' ru Israil nakatampos toojo koson mangayou; masaga' mamagun mangayou.

1 SAMUIL 14:25

Kopongo raginio ilo ngaangai' nakasaboi giu' ra rondo' kataunan am nakatuum ra masuang kaga' ruu' maningot,

1 SAMUIL 14:39

Nambantu' aku ralalom inggalan ru Tuhan ondo' naayag, ondo' mangani' ra kamanangan ra Israil, ra ulun ondo' makasala ukumin ra matoi, inda' pana ru io i Jonatan anak ungkuyon kuno galama'.” Kaa' kolondo' sangulun pana naguta'.

1 SAMUIL 18:25

am nanusub Raja' Saul ra pagawai-pagawai mambala' ri Daut ra bilin ragitio, “Rondo' ayuk toojo kitaakon ru raja' no intor rirun koson ra mulo iono maatus kungkung ru khatan ru ulun ru Palistin, koson mansuli' ra pantula' nano.” (Gitio noyo ralan inatang ru Raja' Saul maa' raginio potoyon i Daut no ru ulun ru Palistin.)