1 SAMUIL 14:20 - Tanou Moonsoi Timugon

²⁰ Raja' Saul am saujor-saujor nano pana minongoi boo ra intok pangayawan. Giu' no nakakito ilo ra ulun ru Palistin ondo' najajajou; ilono magagabu' am mampatoi ra rondo' am bokon.

1 SAMUIL 14:20 ပူးပေါင်းရင်းမြစ်များ

1 RAJA'-RAJA' 20:21

Raja' Agab niayuk minongoi pamulunsar am pamuso ra kuda am niayuk kurita' kuda ru pantula', saboi ulun ru Siria naala ra masaran.

2 TUNUNG RU BANSA' ISRAIL 20:23

Saujor ru Amon am Moab mamulunsar ra saujor ru Idom am namuso raginio ra malingon. Kopongo raginio ilo no poyo mampapatoi ra rondo' am bokon ra moporos.

JISAYA 19:2

Mindagu Tuhan, “Singkualon Ku pangayawan ra gino ngai' ru Misir: pabukat manggal ra pabukat, pasambalayan manggal ra pasambalayan, bandar manggal ra bandar, am raja' manggal ra raja' koson mampagaau ra kuasa'.

YEHEZKIEL 38:21

Ilaanon Ku i Gog ra ngaangai' salinut ru karaat. Aku, Tuhan Raja' nakaindagu noyo. Ulun-ulun nano mamulunsar ra rondo' am bokon ra ilang.

TINGGANAI RU BANSA' 7:22

Liliwa' ulun ri Gidion nanamput ra bujung nilo, nangkinibit Tuhan ra pulalai ru pantula' minibulunsar ra ilo po galama' ra ilang. Nagiru' ilo minongoi ra Jirira saboi ra Bit-Sita am bandar Abil-Migola, maar ra Tabat.

1 SAMUIL 14:16

Liliwa' raginio saujor ru Raja' Saul ondo' nagalung giu' ra Gibia, giu' ra wilayah Binjamin nakakito ra ulun ru Palistin nagigiru' ra nangaubong.

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”