1 SAMUIL 14:19 - Tanou Moonsoi Timugon

¹⁹ Paat ra Raja' Saul lakat poyo mindagu ra imam no, baal ru giu' ra pangkiman ru ulun ru Palistin gumaai jajajou. Ginio ra indagu Raja' Saul riso, “Kalo boo makarampot takau koson makitulu' intor ra Tuhan!”

1 SAMUIL 14:19 ပူးပေါင်းရင်းမြစ်များ

MAZMUR 106:13

Kaa' mataki' ilo makalilian ra binaal ru Tuhan, atan ayuk baalon nilo kolondo' pinson intor Riso.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

JOSUA 9:14

Inapu ru ulun ru Israil akanon ondo' pinataak nilo, kaa' kalo nakitaak ra panuluan intor ra Tuhan.

1 SAMUIL 13:11

kaa' nangkuot i Samuil, “Atan kia binaal mu noyo?” Taam Raja' Saul, “Nakakito aku ra mamagun tumalimpuun noyo mangiruan raki', am okou kalio minatong ra paat ondo' inaru' muli. Mulu' poyo ra timinimung noyo ulun ru Palistin giu' ra Mikmas.

1 SAMUIL 14:20

Raja' Saul am saujor-saujor nano pana minongoi boo ra intok pangayawan. Giu' no nakakito ilo ra ulun ru Palistin ondo' najajajou; ilono magagabu' am mampatoi ra rondo' am bokon.

1 SAMUIL 14:24

Paat orou raginio mangalawo ulun ru Israil ra nangaitilan sabap ra Raja' Saul nagibot koson ragitio, “Kaulas noyo ulun ondo' mangakan ra atan pana ra orou raiti', ra kalo poyo mansuli' aku ra pantula'.” Ginio ra kolondo' sangulun pana ondo' nangakan buoi ru orou raginio.

1 SAMUIL 30:7

Kon ri Daut ra Imam Abiatar anak ri Agimilik, “Ibito' noyo efod no raki'.” I Abiatar pana nagibit ra efod no ri Daut.