1 SAMUIL 14:18 - Tanou Moonsoi Timugon

¹⁸ Indagu Raja' Saul ra Imam Agia, “Ibito' noyo efod no ragiti.” (Paat ra orou raginio inibit ru Imam Agia no efod ra saang ru ulun ru Israil).

1 SAMUIL 14:18 ပူးပေါင်းရင်းမြစ်များ

2 SAMUIL 11:11

Taam i Uria, “Saujor ru Israil am Jiuda tatanga' mangayou giu' ra pangayawan am Kaban Nabantuan ru Tuhan soroi nababaya' risilo. I Joab, panglima takau am pagawai-pagawai ru saujor nano niayuk tatanga' mangkim giu' ra padang malimparang. Ati kulaan aku muli', mangakan am manginum, am marumak ra andu' kuno? Nagibot aku ra sabap ra okou tuan kuno ra kalo mambaal aku ra baal raginio!”

1 SAMUIL 7:1

Kopongo raginio mamagun ru Kiryat-Jiarim nangalap ra Kaban Nabantuan ru Tuhan no am inibit ginio ra baloi ru sangulun ondo' makainggalan ri Abinadab; baloi no giu' ra rasawat ru bulur. Patimpokon nilo i Iliajar anak ri Abinadab koson magalung ra Kaban Nabantuan.

1 SAMUIL 5:2

Giu' ra bandar no, inibit nilo Kaban Nabantuan no pinaumpos ra kuil Dagon, dewa nilono. Pinabanta' nilo Kaban no ra sapapa' ru dewa sinungkalalaing no.

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

1 SAMUIL 14:17

Ginio ra indagu Raja' Saul ra saujor-saujor nano, “Untobo' min kon saujor takati am tutuno' min osoi ondo' kalio.” Paat ilo nambaal raginio, katutuni' nilo ra i Jonatan am buayoi magibit ra kinandoi nano kalio ra giu' no.

1 SAMUIL 14:36

Indagu boo Raja' Saul ra ulun-ulun nano, “Ibok ongoi takau bulunsaro' ulun ru Palistin ra rondom no, am takawin ilo saboi matawangan, am niayuk mamatoi risilo ngaangai'.”

1 SAMUIL 23:9

Pokorongog i Daut ra malaat ginuang ru Raja' Saul koson mamulunsar riso, indagu io ra Imam Abiatar, “Ibito' efod no ragiti.”