1 SAMUIL 14:12 - Tanou Moonsoi Timugon

¹² Pampiau ilo boo ri Jonatan am ulipon nano, “Ibok kau ragiti! Mokoondo' ondo' masaga' mai pakitonon ramuyun!” Kon ri Jonatan ra buayoi no, “Baya' no raki'. Napataak noyo Tuhan no risilo ra Israil.”

1 SAMUIL 14:12 ပူးပေါင်းရင်းမြစ်များ

KASAUKAN 24:42

“Paat ra aku nakasaboi ra tulubong ra orou raiti', pakiasi' aku, ‘Tuhan i Aki Kapuuno' ru tuan kuli i Abragam, Indangano' aku manugut ra atan ayuk baalon kutu.’

KASAUKAN 24:48

Igulatur aku boo samba ra Tuhan am pongompor aku Riso, i Aki Kapuuno' ri Abragam tuan kuli. Inindangan No aku narampus ragiti, intok ru pabukat ru tuan kuli saboi nakatuum aku ra ralaa ti koson anduon ru anak nano.

2 SAMUIL 5:24

Paat ra morongog mu bolos koson ra ngaas-ngaas ru ulun baris giu' ra untu ru puun tataun no, patalimpuuno' noyo bulunsar sabap ra mugar Aku ra saang muno koson mangala ra saujor ru Palistin.”

2 RAJA'-RAJA' 14:8

Kopongo raginio nanusub Raja' Amajia ra kukula' ngaulun mongoi ra Raja' Jigoas giu' ra Israil koson magangat riso makimangayou.

TINGGANAI RU BANSA' 4:14

I Dibora pana mindagu ri Barak, “Jalai no! Tuhan mabaya' ramuyun! Paat orou raiti' nanaak noyo Tuhan ra kamanangan ramuyun ri Sisira.” Ginio ra tuun i Barak intor ra Gunung Tabor nabaya' ra mopor ngaribu ulun nano.

TINGGANAI RU BANSA' 7:14

Taam rangan nano, “Ginio ilang ri Gidion anak ri Joas, ulun ru Israil no. Arati' no nanaak noyo i Aki Kapuuno' riso ra kamanangan ra ulun ru Midian am ngaangai' pulalai ru saujor takau!”

TINGGANAI RU BANSA' 7:15

Pokorongog i Gidion ra inupi ru ulun no am arati' no, igulatur io samba ri Aki Kapuuno'. Saguli' io boo ra pangkiman ru Israil am indagu, “Tampos kano! Manaak Tuhan ramuyun ra kamanangan ra pulalai ru saujor Midian!”

TINGGANAI RU BANSA' 9:54

Mataki' i Abimilik nampiau ra ungkuyon mamulok ondo' nagibit ra kinandoi mangayou nano, am indagu, “Butuso' ilang muno am potoyo' aku. Kalo masaga' aku raguon ru ulun ra pinatoi aku ru sangulun ruandu'.” Nonobok ungkuyon mamulok no riso, am patoi i Abimilik.

1 SAMUIL 14:10

Kaa' amon ru manusub ilo rito mongoi risilo, mongoi to ra giu' no, sabap ginio noyo tatandu' no ra pataakon ilo ru Tuhan no rito.”

1 SAMUIL 14:13

Binaya' ru buayoi no nanungkama' i Jonatan ra rasawat ru ginting no saboi nakasail raginio. Namulunsar i Jonatan ra ulun ru Palistin am nangaratu' ilo sabap ra linamba' no, am buayoi no namatoi risilo.