1 SAMUIL 14:11 - Tanou Moonsoi Timugon

¹¹ Ginio ra pinoloso nilo ulun ru Palistin nakakito risilo. Indagu boo ulun ru Palistin, “Ilai' kon! Mokoondo' ulun ru Ibrani miningkual intor ra luang nansibunian nilono!”

1 SAMUIL 14:11 ပူးပေါင်းရင်းမြစ်များ

2 SAMUIL 22:46

Nariu' kinabaani nilono; monontol ilo am ingkual intor ra kubu ru pangampinan.

TINGGANAI RU BANSA' 6:2

Maikang poyo ulun ru Midian intor ra ulun ru Israil. Ginio sabap ra nansibuni ulun ru Israil giu' ralalom ru luang batu am intok ra bokon ondo' mamayag giu' ra bulur-bulur.

1 SAMUIL 13:6

Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.

1 SAMUIL 14:22

Ulun ru Israil ondo' nansibuni giu' ra kabuluran Ipraim niayuk nokorongog ra nagigiru' noyo ulun ru Palistin, ongoi ilo boo simpung ra Raja' Saul am namulunsar ra ulun ru Palistin.

1 SAMUIL 29:3

Pakakito panglima ru ulun ru Palistin ri Daut am ulun-ulun nano, pangkuot ilo, “Kua ra ngaangai' ru ulun ru Ibrani ti soroi ragiti?” Taam Raja' Akis, “Gitio i Daut, ondo' ragili pagawai ru Raja' Saul intor ra Israil. Lalair io noyo minayan raki'. Intor ra io minatong raki' saboi ra orou raiti', kalo igondo' ku io karampati' ra makasala.”