1 SAMUIL 14:1 - Tanou Moonsoi Timugon

¹ Sangarawan raginio, indagu i Jonatan ra buayoi magibit ra kinandoi nano, “Ibok ongoi to ra pangkiman ru ulun ru Palistin.” Kaa' kalo binalaan ri Jonatan ama' nano, Raja' Saul no.

1 SAMUIL 14:1 ပူးပေါင်းရင်းမြစ်များ

MIKA 7:5

Pai' no pangintopot ra sambalayan min kapoam rangan min. Ilalain ra mindagu, kabalu' pana ra andu' muno.

TINGGANAI RU BANSA' 14:6

Namulali' i Simson maikang ru kuasa' ru Tuhan. Bibinsango' boo ri Simson singa' no ra kalindu' nano, koson ayuk bibiag no ra sanginan anak kambing. Kalo nambala' i Simson ra matuo nano ra baal raginio.

TINGGANAI RU BANSA' 14:9

Nangalap io ra ruu' maningot no ra kalindu' nano, am narayus minugar liliwa' nangakan ra ruu' maningot no. Nangani' io sanganu ruu' maningot ra matuo nano, am ilo pana nangakan raginio. Kaa' kalo nambala' i Simson risilo ra inalap no ruu' maningot no intor ra ralalom baangkai ru sanginan singa'.

TINGGANAI RU BANSA' 6:27

I Gidion pana nampili' mopor ngaulun ulipon nano, am ongoi pambaal ra atan ondo' nanusuban ru Tuhan. Sabap ra malaa' io ra sasambaloi nano am mamagun ru bandar no, kalo makakau' io mambaal raginio paat ra matawang. Nambaal io raginio paat ra rondom.

1 SAMUIL 13:2

nampili' io ra talu ngaribu ngaulun ru Israil; intor ru suang ragitio, ruo ngaribu ngaulun minayan simpung riso giu' ra Mikmas am giu' ra kabuluran ru Bitil. Suang saribu ngaulun ra bokon minongoi nababaya' ri Jonatan, anak ungkuyon nano giu' ra Gibia, giu' ra wilayah ru bansa' ru Binjamin. Ulun ra suwo no sinusub ru Raja' Saul minuli' ra baloi ru sigagama'.

1 SAMUIL 13:22

Ginio ra, paat ra pangayawan giu' ra Mikmas, kolondo' sangulun pana intor ra saujor ru Israil nanangilang kapoam nantutura', ondo' ayuk am Raja' Saul am i Jonatan, anak ungkuyon nano.

1 SAMUIL 13:23

Ulun ru Palistin nampaayan ra sampulalai saujor koson magalung ra ginting ru gunung giu' ra Mikmas.

1 SAMUIL 14:2

Paat raginio soroi Raja' Saul ra saau ru puun dalima' giu' ra Migron, kalo maalur intor ra Gibia; mokoondo' ra olo'-olo' onom ngaatus ngaulun nababaya' ra Raja' Saul.

1 SAMUIL 25:19

Io pana mindagu boo ra ulipon-ulipon nano, “Ugar kano pagulu. Sumunu' aku.” Kaa' kalo nambala' io ra baal raginio ra ralaki nano.