1 SAMUIL 13:6 - Tanou Moonsoi Timugon

⁶ Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.

1 SAMUIL 13:6 ပူးပေါင်းရင်းမြစ်များ

2 SAMUIL 24:14

Taam Raja' Daut, “Aku ti magalabo kaga'! Kaa' marara' aku ukumin ru ulun. Polosoon noyo Tuhan no galama' mangukum ritakau, sabap ra maayo makaasi' Nano.”

JISAYA 42:22

Kaa' ragino ulun Nano ginaawan, pinasubol ilo ra pangaputan ralalom tana', am inaput ra pangaputan. Tinakawan ilo am ginaawan, kolondo' sangulun pana mangindangan risilo.

JIRIMIA 41:9

Tulubong intok namatiran ri Ismail ra ulun ondo' pinatoi nano tulubong maayo; tulubong raginio noyo ondo' kinali ru Raja' Asa paat io binulunsar ru Raja' Baisa intor ra Israil. Sinosok ri Ismail tulubong no ra baangkai.

YEHEZKIEL 33:27

“Posoboyo' ragu pampakaraan intor Raki', Tuhan Raja' risilo. Sabap ra Aku, i Aki Kapuuno' ondo' naayag, ulun ondo' minayan giu' ra intok nalunsai ra bandar-bandar no potoyon. Ilo ondo' minayan giu' ra kampung akanon ru bibiag masigo. Ilo ondo' nansibuni giu' ra gunung am giu' ra luang batu matoi sabap ra maruol tumapik.

PILIPI 1:23

Karuo-ruo ti mampakabunduk ra guang kutu. Masaga' aku niayuk mangiruan ra painawo kutu am makasimpung ri Kristus, sabap ra ginio noyo moonsoi no.

IBRANI 11:38

Ulun ru tana' ti kalo maaya' lumatok risilo. Kolondo' intok randanan nilai, giu' ilo ayuk ra kabuluran am intok masiluk am minayan ra luang batu am luang ru tana'.

JOSUA 8:20

Paat ulun ru Ai nangkaili ra tinaulian, nakito nilo lisun makapal mininsawat. Kalo nakapagiru' ilo sabap ra ulun ru Israil ondo' nagiru' tampilon ra tana' mapua' ra raitii' ni, riminuli' boo am namulunsar risilo.

TINGGANAI RU BANSA' 10:9

Ulun ru Amon liminaup niayuk ra Sungoi Jordan koson namulunsar ra bansa' ru Jiuda, Binjamin am Ipraim saboi naimbolo' kaga' ulun ru Israil.

TINGGANAI RU BANSA' 20:41

Paat raginio niayuk riminuli' saujor ru Israil namulunsar risilo, am baal ru saujor ru Binjamin nataliajou. Nakaliman ilo ra maala ilo.

TINGGANAI RU BANSA' 6:2

Maikang poyo ulun ru Midian intor ra ulun ru Israil. Ginio sabap ra nansibuni ulun ru Israil giu' ralalom ru luang batu am intok ra bokon ondo' mamayag giu' ra bulur-bulur.

1 SAMUIL 13:15

Kopongo raginio nangiruan i Samuil ra Gilgal am naparayus ra pangkiralanan nano. Ulun ra bokon no minaya' ra Raja' Saul koson mamung ra saujor nano. Kopongo raginio intor ilo ra Gilgal minongoi ra Gibia giu' ra wilayah Binjamin. Tinutun ru Raja' Saul pulalai nano am napandayan no ra suang no olo'-olo' onom ngaatus ngaulun.

1 SAMUIL 14:11

Ginio ra pinoloso nilo ulun ru Palistin nakakito risilo. Indagu boo ulun ru Palistin, “Ilai' kon! Mokoondo' ulun ru Ibrani miningkual intor ra luang nansibunian nilono!”

1 SAMUIL 14:22

Ulun ru Israil ondo' nansibuni giu' ra kabuluran Ipraim niayuk nokorongog ra nagigiru' noyo ulun ru Palistin, ongoi ilo boo simpung ra Raja' Saul am namulunsar ra ulun ru Palistin.

1 SAMUIL 23:19

Kopongo raginio kukula' ngaulun intor ra Jiip minuma' ra Raja' Saul giu' ra Gibia am indagu, “Nansibuni i Daut giu' ra Wilayah maino giu' ra intok panindungan giu' ra Oris, giu' ra rasawat ru Bulur Gakila, tampilon ra rabugus ru tana' kaagisan Jiuda.

1 SAMUIL 24:3

Nampili' Raja' Saul ra talu ngaulun saujor ondo' moonsoi kaga' intor ra titikop ru Israil, am minugar naguyum ri Daut am ulun-ulun nano giu' ra tampilon sirangon ru Bulur Batu Kambing Kataunan.

1 SAMUIL 31:7

Pokorongog ulun ru Israil ondo' giu' ra sandaup ru Limayak Jijriil am giu' ra tampilon ru Sungoi Jordan ra nagigiru' noyo saujor ru Israil, am ra Raja' Saul am anak-anak ungkuyon nano minatoi noyo, ilo pana nangiruan ra bandar nilono am nagigiru'. Kopongo raginio minatong ulun ru Palistin am ayan ra bandar-bandar no.

1 SAMUIL 7:7

Pakaining ulun ru Palistin ra ulun ru Israil timinimung noyo giu' ra Mijpa, limo ngaulun raja' ru Palistin no minongoi ra giu' nababaya' ra saujor nilo koson mamulunsar ra ulun ru Israil. Nalaa' ulun ru Israil paat ra ilo nokorongog ra baal raginio.