1 SAMUIL 13:5 - Tanou Moonsoi Timugon

⁵ Liliwa' raginio ulun ru Palistin niayuk timinimung koson mamulunsar ra ulun ru Israil. Ulun ru Palistin mokoondo' talu ngoopor ngaribu kurita' kuda, onom ngaribu ulun nangkuda am saujor ra kinasuang ru agis giu' ra nagas. Nangkim ilo giu' ra Mikmas tampilon ra sirangon ru Bit-Awin.

1 SAMUIL 13:5 ပူးပေါင်းရင်းမြစ်များ

1 SAMUIL 14:23

Giminula' ulun ru Israil ra galur ru ralan saboi nakasail ra Bit-Awin. Namayag Tuhan ra ulun ru Israil ra orou raginio.

JOSUA 11:4

Raja'-raja' no minatong nabaya' ra pulalai ru saujor nilo, ondo' kinasuang koson ra agis giu' ra raat. Mokoondo' ilo niayuk ra masuang kuda am kurita' kuda.

JOSUA 18:12

Giu' ra ralayo, balitan ru wilayah nilo tinalimpuun intor ra Sungoi Jordan, am nagaloi ra pipilon giu' ra tampilon ralayo ru Jiriko, am ra kalasaan mansail ra intok kabuluran saboi ra tana' kaagisan Bit-Awin.

GOSIA 10:5

Mamagun ru bandar Samaria malaa' am nangulir sabap ra natatakan ra sapi' mas giu' ra Bitil. Ilo am imam-imam ondo' nangandoi ayuk ra sapi' mas mantangi'. Gumolok ilo paat ra katulayan ru sinungkalalaing no lumiot.

GOSIA 5:8

Samputi' bujung giu' ra Gibia! Kosongowo' bolos ru tatandu' mampiau mangayou giu' ra Rama! Golok no ra golok ru pangayawan giu' ra Bitil! Jalai no mangayou akau bansa' ru Binjamin!

GOSIA 4:15

“Kabalu' pana akau, ulun ru Israil kalo gumagaya' Raki', akau no poyo Jiuda pai' pambaal koson raginio. Pai' ongoi sambayang giu' ra Gilgal, kapoam giu' ra Bitil. Pai' baalo' bantu'-bantu' ra giu' no ralalom inggalan ru Tuhan ondo' naayag.

JIRIMIA 15:8

Pagun min mososok ru ulun napuor, masuang poyo intor ra agis giu' ra nagas. Potoyon Ku ulun mamulok saboi ina' nilo maimbolo'. Pulali' Ku porotongon i mamumuso saboi ra ilo malaa' am magalabo.

JISAYA 48:19

Papag mino masauk masuang koson ra agis am tutunon Ku maa' raginio kalo mapuso ilo.”

2 TUNUNG RU BANSA' ISRAIL 1:9

Iou Tuhan i Aki Kapuuno', suguto' noyo bantu' ondo' binaal Muno ra ama' kuno. Linantik Mu aku nasauk ra raja' ru rondo' bansa' ondo' maayo kaga' saboi kalo maalap ra untob.

TINGGANAI RU BANSA' 7:12

Ulun ru Midian, ulun ru Amalik am bansa'-bansa' ra bokon intor ra tana' kaagisan, soroi ra ati-ati giu' ra titikop ru pipit no koson ra sampanon ru gapu'. Masuang kaga' unta nilo, koson ra agis giu' ra nagas.

JOSUA 7:2

Nanusub i Josua ra kukula' ngaulun intor ra Jiriko mongoi ra Ai, rondo' bandar tampilon ra sirangon ru Bitil, maar Bit-Awin. Nanusub i Josua risilo lumiput ra pagun no. Kabaal nilo ginio,

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,

1 SAMUIL 7:13

Koon raginio noyo ra ulun ru Palistin kinala. Buoi ri Samuil naayag, nongompong Tuhan ra ulun ru Palistin sumubol lalayau ra intok ru Israil.

1 SAMUIL 13:2

nampili' io ra talu ngaribu ngaulun ru Israil; intor ru suang ragitio, ruo ngaribu ngaulun minayan simpung riso giu' ra Mikmas am giu' ra kabuluran ru Bitil. Suang saribu ngaulun ra bokon minongoi nababaya' ri Jonatan, anak ungkuyon nano giu' ra Gibia, giu' ra wilayah ru bansa' ru Binjamin. Ulun ra suwo no sinusub ru Raja' Saul minuli' ra baloi ru sigagama'.

1 SAMUIL 13:11

kaa' nangkuot i Samuil, “Atan kia binaal mu noyo?” Taam Raja' Saul, “Nakakito aku ra mamagun tumalimpuun noyo mangiruan raki', am okou kalio minatong ra paat ondo' inaru' muli. Mulu' poyo ra timinimung noyo ulun ru Palistin giu' ra Mikmas.

1 SAMUIL 17:1

Paat ra ulun ru Palistin nanimung ra saujor nilono koson jumalai mangayou, am timinimung giu' ra bandar Sokgo, giu' ra wilayah Jiuda. Nangkim ilo ra lolot ru Sokgo am Ajika, mamaar ra Ipis-Damim.

2 SAMUIL 17:11

Sabap raginio, bilin kutu koson ragitio: Timungo' ngaangai' ulun ru Israil intor ra titikop ru pagun, saboi ra kinasuang no koson ra kinasuang ru agis giu' ra nagas. Kopongo raginio okou galama' maningganai risilo jumalai ra mampatoi.

1 RAJA'-RAJA' 20:27

Saujor ru Israil niayuk tinimung am inukapan ra kinandoi mangayou. Jalai ilo, am pangkim ralalom ru ruo pulalai ondo' nantaluma' ra ulun ru Siria. Saujor ru Israil no ilain boborok, koson ayuk ra ruo ngampulalai kambing amon ru pinogondo' ra saujor ru Siria ondo' namapak ra intok raginio.

JISAYA 10:28

Saujor ru pantula' nanguasa' noyo ra bandar Ayat! Nansail ilo ra Migron! Kuliamos linutu' tinatang nilo ra Mikmas!

1 SAMUIL 14:52

Buoi ra bayag ru Raja' Saul, nangayou io toojo ra ulun ru Palistin. Ginio ra paat ayuk makakito io ra ulun ondo' maikang kapoam baani, pulali' no mapasauk ra ulun no ra saujor nano.