1 SAMUIL 13:2 - Tanou Moonsoi Timugon

² nampili' io ra talu ngaribu ngaulun ru Israil; intor ru suang ragitio, ruo ngaribu ngaulun minayan simpung riso giu' ra Mikmas am giu' ra kabuluran ru Bitil. Suang saribu ngaulun ra bokon minongoi nababaya' ri Jonatan, anak ungkuyon nano giu' ra Gibia, giu' ra wilayah ru bansa' ru Binjamin. Ulun ra suwo no sinusub ru Raja' Saul minuli' ra baloi ru sigagama'.

1 SAMUIL 13:2 ပူးပေါင်းရင်းမြစ်များ

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

NIGIMIA 11:31

Santayaran ra ulun intor ra bansa' ru Binjamin minayan giu' ra Giba, Mikmas, Ai, Bitil am giu' ra pekan-pekan ra liliut no;

JOSUA 18:28

Jila, Ilip, Jibus (kapoam Jirusalim), Gibia am Kiryat-Jiarim; ngaangai' no mopor am apat bandar nabaya' ra pekan giu' ra liput no. Ginio noyo tana' ondo' inapu koson ra longgom ru sasambaloi ralalom ru bansa' ru Binjamin.

JOSUA 22:6

I Josua nambarakat risilo am napaugar risilo ra ragu ragitio, “Raino langkaya' kau am minuli' kau nagibit ra masuang bibiag tinambiag, pirok, mas, gangsa', basi' am bayang. Tatayaro' noyo kuliamos ginaau ondo' inalap min intor ra pantula', ra gino ngai' min.” Kopongo raginio minuli' ilo. Tinaakan ri Musa tana' giu' ra tampilon sirangon ru Sungoi Jordan ra sampiruo intor ra bansa' ru Manasi, am tinaakan ri Josua tana' tampilon ra kalasaan ru Sungoi Jordan ra sampiruo poyo bansa' ru Manasi, nabaya' ra bansa'-bansa' ra bokon.

TINGGANAI RU BANSA' 19:12

Kaa' taam tuan nano, “Kalo! Kalo muog takau ra bandar ru ulun sala' ka Israil. Rayuson takau pangkiralanan sanganu poyo am mombolong giu' ra Gibia kapoam Rama.”

1 SAMUIL 10:26

Raja' Saul niayuk minuli' ra baloi nano giu' ra Gibia, binaya' ru kukula' ngaulun ondo' mangapanggol. Guang nilo inunsu' noyo ru Tuhan koson mamaya' ra Raja' Saul.

1 SAMUIL 10:5

Mopongo raginio ongoi ra bulur ri Aki Kapuuno' giu' ra Gibia. Giu' no mokoondo' ra pangkiman ru ulun ru Palistin. Giu' ra kulobon mumpos ra bandar, makatuum kou ra sampulalai nabi ondo' mambusul intor ra bulur, intok ru altar no. Mangkuli ilo ra gambus, rabana, suling am jitor. Saliligo' am sogogolok ilo.

1 SAMUIL 13:1

Sangarawan raginio, paat ra Raja' Saul nasauk ra raja',

1 SAMUIL 13:11

kaa' nangkuot i Samuil, “Atan kia binaal mu noyo?” Taam Raja' Saul, “Nakakito aku ra mamagun tumalimpuun noyo mangiruan raki', am okou kalio minatong ra paat ondo' inaru' muli. Mulu' poyo ra timinimung noyo ulun ru Palistin giu' ra Mikmas.

1 SAMUIL 13:15

Kopongo raginio nangiruan i Samuil ra Gilgal am naparayus ra pangkiralanan nano. Ulun ra bokon no minaya' ra Raja' Saul koson mamung ra saujor nano. Kopongo raginio intor ilo ra Gilgal minongoi ra Gibia giu' ra wilayah Binjamin. Tinutun ru Raja' Saul pulalai nano am napandayan no ra suang no olo'-olo' onom ngaatus ngaulun.

1 SAMUIL 13:16

Raja' Saul, anak ungkuyon nano i Jonatan, am saujor nilono nangkim ra Giba giu' ra wilayah Binjamin, liliwa' ulun-ulun ru Palistin nangkim giu' ra Mikmas.

1 SAMUIL 13:23

Ulun ru Palistin nampaayan ra sampulalai saujor koson magalung ra ginting ru gunung giu' ra Mikmas.

1 SAMUIL 13:5

Liliwa' raginio ulun ru Palistin niayuk timinimung koson mamulunsar ra ulun ru Israil. Ulun ru Palistin mokoondo' talu ngoopor ngaribu kurita' kuda, onom ngaribu ulun nangkuda am saujor ra kinasuang ru agis giu' ra nagas. Nangkim ilo giu' ra Mikmas tampilon ra sirangon ru Bit-Awin.

1 SAMUIL 14:31

Paat orou raginio ulun ru Israil nangala ra ulun ru Palistin nalupus nangayou ra galur ru ralan intor ra Mikmas saboi ra Ayalon. Paat raginio malawo ilo kaga' sabap ra naitilan,

1 SAMUIL 14:5

Batu maayo ondo' tampilon ra ralayo tumingkuang ra Mikmas, am batu maayo ondo' rondo' poyo, ondo' tampilon ra rabugus tumingkuang ra Giba.

1 SAMUIL 14:52

Buoi ra bayag ru Raja' Saul, nangayou io toojo ra ulun ru Palistin. Ginio ra paat ayuk makakito io ra ulun ondo' maikang kapoam baani, pulali' no mapasauk ra ulun no ra saujor nano.

1 SAMUIL 15:34

I Samuil pana minuli' boo ra Rama am Raja' Saul minuli' ra baloi nano giu' ra Gibia.

1 SAMUIL 24:3

Nampili' Raja' Saul ra talu ngaulun saujor ondo' moonsoi kaga' intor ra titikop ru Israil, am minugar naguyum ri Daut am ulun-ulun nano giu' ra tampilon sirangon ru Bulur Batu Kambing Kataunan.

1 SAMUIL 26:2

Nagindibok Raja' Saul minugar minongoi ra tana' kaagisan Jiip nabaya' ra talu ngaribu ngaulun saujor ondo' moonsoi kaga' koson maguyum ri Daut.

1 SAMUIL 8:11

Nambala' i Samuil, “Gitio noyo baal pamakuan ru raja' mino ramuyun ra maagu no. Alapon ru raja' no anak ungkuyon mino koson pasaukon ra saujor. Mokoondo' ondo' masauk ra pulalai ru mangkarita' kuda, mokoondo' poyo ondo' masauk ra pulalai ru mangkuda, mokoondo' poyo ondo' masisimbul ra saang ru kurita' kuda ru raja' no.