1 SAMUIL 13:19 - Tanou Moonsoi Timugon

¹⁹ Paat raginio giu' ra titikop ru Israil kolondo' ulun manukang ra basi', sabap ra ulun ru Palistin kalo mangiou ra ulun ru Ibrani mambaal ra ilang am tutura'.

1 SAMUIL 13:19 ပူးပေါင်းရင်းမြစ်များ

2 RAJA'-RAJA' 24:14

Mamagun ru Jirusalim inaut ru Raja' Nibukadnijar, nakaaya' anak-anak ru raja' am tingganai-tingganai ru mamagun koson ra ulun rinakop pinoongoi ra pamatiran – 10,000 ngaulun ringai'. Inaut niayuk ru Raja' Nibukadnijar ngaangai' ulun manukang ra maturasik am manukang ra basi', kaa' nanatang ra mamagun ondo' musikin kaga' giu' ra Jiuda.

JISAYA 54:16

“Aku noyo namangun ra ulun manukang ra basi' ondo' manampui ra apui koson manitip ra kinandoi. Aku noyo napasauk ra saujor ondo' mampaguut ra kinandoi mangayou no koson mampatoi.

JIRIMIA 24:1

Rondo' paat ra Tuhan nangani' raki' ra rondo' pinaintalang. Baal raginio nasauk nalupus Raja' Joyakin anak ungkuyon ru Raja' Joyakim intor ra Jiuda, nabaya' ra pagawai-pagawai ru pamarintaan ru Jiuda, ulun manukang am mangngandoi ra mapandai toojo, rinakop ru Raja' Nibukadnijar intor ra Babilonia, am inibit koson ra ulun rinakop intor ra Jirusalim minongoi ra Babilonia. Nakito ku ruo ngambakul kawa' ru ara pinabanta' giu' ra saang Baloi ru Tuhan.

JIRIMIA 29:2

Nanulis aku ra surat no kalupus Raja' Joyakin, ina' nano, pagawai-pagawai istana, tingganai-tingganai ru ulun ru Jiuda am Jirusalim, ulun-ulun manukang, am ulun mangandoi ra mangapandai inibit ra pamatiran.

TINGGANAI RU BANSA' 5:8

Pangayawan pana nasauk giu' ra ralalom ru pagun paat ra ulun ru Israil tumalimpuun sumamba ra dewa. Kolondo' rondo' pana kinandoi mangayou kinayang ru apat ngoopor ngaribu ngaulun ru Israil.

1 SAMUIL 13:20

Ginio ra ulun ru Israil minongoi kalalaat ra ulun ru Palistin amon ru masaga' mangasa' ra radu', sangkul, kapak am tantab nilono.