1 SAMUIL 12:8 - Tanou Moonsoi Timugon

⁸ Paat ri Jakub am sasambaloi nano minongoi ra Misir, am paat ra ulun ru Misir nangimbolo' risilo, kinamatuaan nilai nampiau nakiindangan ra Tuhan. Ginio ra nanusub Tuhan ri Musa am i Arun koson naningganai risilo miningkual intor ra Misir, am niayuk nangindangan risilo liminayun ra pagun ragitio.

1 SAMUIL 12:8 ပူးပေါင်းရင်းမြစ်များ

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

KAINGKUALAN 12:51

Paat orou raginio magibit Tuhan ra ngaangai' bansa' ru Israil mingkual intor ra Misir.

KAINGKUALAN 6:26

I Arun am i Musa noyo ondo' sinusub ru Tuhan koson magibit ra ulun ru Israil mingkual intor ra Misir.

UNTABAN 20:15

Kinamatuaan maili minongoi giu' ra pagun ru Misir am nabuoi kaga' minayan ra giu'. Kinamatuaan maili am akai inimbolo' ru bansa' Misir,

RINALATAN 7:15

Banding boo i Jakub ra pagun ru Misir am giu' i ayuk boo pinatayan nali am niayuk kinamatuaan takali ra bokon i poyo.

JOSUA 1:6

Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 21:43

Ginio noyo nanaak Tuhan ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.

1 SAMUIL 10:18

Indagu io risilo, “Kon ragitio noyo ragu ru Tuhan, i Aki Kapuuno' ru Israil, ‘Nagibit Aku noyo ramuyun miningkual intor ra Misir am napalabus ramuyun intor ra bansa' raginio am bansa'-bansa' ra bokon ondo' nangimbolo' ramuyun.

1 SAMUIL 12:6

Rinayus poyo ri Samuil, “Nampili' noyo Tuhan ri Musa am i Arun. Io niayuk nagibit noyo ra kinamatuaan mini miningkual intor ra Misir.