1 SAMUIL 12:3 - Tanou Moonsoi Timugon

³ Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 12:3 ပူးပေါင်းရင်းမြစ်များ

2 SAMUIL 22:22

Gumagaya' aku ra ukum ru Tuhan; kalo mangiruan aku ri Aki Kapuuno' kuno.

NIGIMIA 5:11

Pusoo' noyo ngaangai' utang nilo – ruit, kapoam gandum, kapoam wain, kapoam umau jaitun. Pasagulio' umo, umo ru gandum, umo ru jaitun am baloi nilo ra mataki'!”

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

KAINGKUALAN 20:17

“Pai' kalaai ra ondo' tagamin ru bokon: baloi nano, andu' nano, ulipon nano, bibiag tinambiag nano, kaladai nano kapoam atan pana soroi riso no.”

KAINGKUALAN 23:8

Pai' apuo' taak pangambi', sabap ra taak pangambi' no mopobolou ra ulun ra atan ondo' motopot am mampalubat ra ulun kalo makasala.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

IMAMAT 6:4

Musiti' ulun ondo' makatula no mambayar ra ngaangai' ondo' noowot nano ra kalo matanda'. Paat ra orou io narampatan ra makasala, musiti' io mambayar ra ngaangai' logo no ra tatangan no, ruangin poyo ruo ngoopor piatus.

UNTABAN 16:15

Siminangit toojo i Musa am indagu ra Tuhan, “Pai' noyo apuo' atan-atan taak intor risilo. Kalo igondo' aku pambaal ra sala risilo; am sanginan kaladai pana kalo igondo' ku alapo' intor risilo.”

MATIUS 22:21

Taam ilo, “I Kaisar.” Indagu i Jisus risilo, “Amon ru koson raginio, pasagulio' ra Kaisar ondo' longgom nano am pasagulio' niayuk ri Aki Kapuuno' ondo' longgom Nano.”

LUKAS 19:8

Kaa' bigor i Jakius am indagu ri Jisus, “Tuan, rongogo', sampiruo intor ra rapu' kuno tatayaron ku ra ulun musikin, am ondo' rinuung kuli pana, pasagulion ku poyo saboi inggapat suang no!”

RINALATAN 20:33

Kalo poyo igondo' aku pakitaak ra ruit kapoam bayang ru sasangulun.

2 KORINTUS 12:14

Gitio kaintalu ra aku nakatampos mongoi ramuyun. Pai' ru mantipagon aku ramuyun, sabap ra akau no tupo kasagaan kuno, sala' ka ruit mino. Pai' ru anak no ondo' mampakan ra matuo nano, kaa' matuo ondo' mampakan ra anak nilai no.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.

1 SAMUIL 10:1

Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 12:4

Taam ngaangai' ulun no, “Kalo, kalo igondo' kou pamparuung kapoam pangimbolo' ramon. Kalo igondo' kou pangalap ra atan pana longgom ru ulun.”

1 SAMUIL 12:5

Ginio ra indagu i Samuil, “Polosoon noyo Tuhan am raja' ondo' pinili' Nano masauk ra sasi' ra orou raiti' ra koon min ra kolondo' ra sanganu pana sala kuno.” Taam ilo, “Iou motopot. Tuhan no nasauk ra sasi' takau.”

1 SAMUIL 2:35

Mampili' Aku ra sangulun imam ondo' gumagaya' Raki' am ondo' mambaal ra ngaangai' ru susuban Kuno. Manaak Aku riso ra papag ondo' magail mangandoi tayar ra imam ra raja' ondo' pilion Kuno.

1 SAMUIL 24:11

Raino nakaili' kou galama' ra giu' ra ralalom ru luang batu ni, pinataak kou noyo ru Tuhan no raki'. Sinusub aku ru kukula' ngaulun ulun kuno koson mamatoi rirun, kaa' marara' aku. Tinaam ku ra kalo masaga' aku mapakaruol ra raja' ondo' pinili' noyo ru Tuhan.

1 SAMUIL 24:6

Kaa' kalupus raginio, malimanan ri Daut ra makasala sabap ra binaal no ginio.

1 SAMUIL 24:7

Indagu io ra ulun-ulun nano, “Gama' ru manginggalar Tuhan no raki' intor ra mambaal ra malaat ra raja' kuno ondo' pinili' noyo ru Tuhan. Aku ti kalo ga makapaparuol ra raja' no ra sanganu pana sabap ra raja' no pinili' noyo ru Tuhan.”

1 SAMUIL 26:11

Gama' ayuk ru manginggalar Tuhan no raki' mamatoi ra raja' ondo' pinili' Nano! Alapo' to tutura' am rarapu' nano ayuk, am ugar intor ragiti!”

1 SAMUIL 26:9

Kaa' indagu i Daut, “Pai' mu jamari' io! Maaru' Tuhan no mangukum ra ulun ondo' lumaat ra raja' ondo' pinili' Nano.