1 SAMUIL 12:24 - Tanou Moonsoi Timugon

²⁴ Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.

1 SAMUIL 12:24 ပူးပေါင်းရင်းမြစ်များ

2 RAJA'-RAJA' 17:39

kaa' samba kano Raki', Tuhan, i Aki Kapuuno' min, mamayag Aku ramuyun intor ra pantula'.”

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 119:80

Gama' ru masugut ku ngai' panusuban Muno, am kalo tauyuon aku.

KAINGKUALAN 12:13

Raraa' ra lugu' ru kulobon ru baloi masauk ra tatandu' tayar intok inayanan min. Makito Ku raraa' no, sumail Aku ramuyun, am kalo mangukum ramuyun paat ra Aku mangukum ra ulun ru Misir.

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

SAGULION 10:21

Omporo' noyo Io sabap Io Aki Kapuuno' min, am ra mato galama', nakito min baal mangaayo am makaimuag ondo' binaal Nano ramuyun.

SAGULION 29:1

Gitio noyo kitaak-kitaak ra nabantuan ondo' sinusub ru Tuhan ri Musa, koson binaal ra ulun ru Israil paat ilo giu' ra tana' Moab. Nabantuan raginio pinaruang ra nabantuan ondo' binaal ru Tuhan risilo giu' ra Gunung Sinai.

SAGULION 29:2

Nanusub i Musa ra ngaangai' ulun ru Israil tumimung am indagu risilo, “Nakito min galama' atan ondo' binaal ru Tuhan ra raja' ru Misir, pagawai-pagawai nano am titikop ru pagun nano.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.