1 SAMUIL 12:22 - Tanou Moonsoi Timugon

²² Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.

1 SAMUIL 12:22 ပူးပေါင်းရင်းမြစ်များ

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

1 RAJA'-RAJA' 8:57

Gama' ru Tuhan, i Aki Kapuuno' takau mabaya' ritakau koson ra Io mabaya' ra kinamatuaan takali. Gama' ru kalo mangiruan Io ritakau kapoam mangimpai ritakau.

2 RAJA'-RAJA' 14:27

Kolondo' guang ru Tuhan koson mamuso ra Israil ra sabuoi-buoi no. Ginio ra namayag Io risilo pinaumbaya' ra Raja' Jirobiam II.

2 RAJA'-RAJA' 21:14

Iruanin Ku ilo ondo' lakat poyo naayag am pataakin ilo ra pantula'. Kalaan ilo ru pantula' am manalingaau ra pagun nilo.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

MAZMUR 106:8

Kaa' bayagon No ilo sumugut ra bantu' Nali, koson mapaintalang ra kuasa' Nano ra maayo.

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

JISAYA 37:35

Bandar ru Jirusalim sungkaan am ampinin Kuno sabap ra urumat Kuno galama', am niayuk nabantuan Kuno ri Daut, ulipon Kuno.’ ”

JISAYA 41:17

Bulintok ra ulun Kuno ra naimbolo' no maguyum ra timug, bulintok ra liog nilono napuaan sabap ra pinaason, Aku, Tuhan mangiou ra pakiasian nilono; Aku, i Aki Kapuuno' ru Israil, kalo igogondo' manatang risilo.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 43:25

Kaa' Aku ti i Aki kapuuno' ondo' mangampun ra tula mino, am Aku mambaal koson raginio sabap ginio noyo paliso Kuno. Kalo karaan Ku tula mino.

JISAYA 43:7

Ilo noyo ulun Kuno, binangun Ku ilo koson mampatulai Raki'.”

JISAYA 48:11

Binaal Ku gitio koson kaatangan Kuno galama', kalo polosoon Ku inggalan Kuno jamalin, kapoam mantayar ra katulayan Kuno ra osoi-osoi ayuk.”

JISAYA 49:15

Tuhan tumaam, kon No, “Makalilian kia sangulun ina' ra anak nano? Kabalu' pana malilianan no, Kalo lilianin Tokou!

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 14:9

Kua kia koson Okou ra ulun naubong, koson ra ulun tutumula' ondo' kalo makatanggang mangindangan? Maaru' maya' Kou ramon, iou Tuhan! Akai ulun Muno, pai' pangiruan ramon!’ ”

SULABOI 5:20

Kua iruani' Mu akai ra mabuoi kaga'? Marara' Kou kia boo mangkara' ramon?

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

MALIAKI 1:2

Indagu Tuhan ra ulun Nano, “Magail Aku motogom ramuyun.” Kaa' taam ilo, “Ati kulaan Tuhan motogom ramon?” Taam Tuhan, “I Isau am i Jakub magaka'; motogom Aku ri Jakub am niayuk papag nano,

MATIUS 11:26

Iou Ama', gitio pinili' am kasagaan Muno galama'.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

ROMA 11:1

Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin.

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

IPISUS 1:12

Polosoo' noyo itakau ondo' intor ragili noyo nakalansan ri Kristus, mongompor ri Aki Kapuuno' ondo' kolondo' pogondo'!

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

SAGULION 14:2

Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JOSUA 7:9

Ulun ru Kanaan am ngaangai' ulun ra pagun ti mokorongog ra baal raginio. Inawangan nilo akai am namatoi ramon ngai'! Atan kia boo ondo' baalon Muno koson magalung ra kaurumatan Muno?”

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.