1 SAMUIL 12:21 - Tanou Moonsoi Timugon

²¹ Pai' baya' ra dewa-dewa ondo' kalo makapangindangan kapoam makapamayag ramuyun, sabap ra dewa-dewa no sotopot no kolondo'.

1 SAMUIL 12:21 ပူးပေါင်းရင်းမြစ်များ

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JISAYA 46:7

Sinungkalalaing no pinakuan am pinauli ra intok no, minigor io ra giu' no, kalo makabanding. Amon ru makiasi' ulun riso, kalo tumaam io, am kalo makapamayag ra ulun intor ra kapaganan nano.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

JIRIMIA 2:5

Indagu Tuhan, “Atan kia panguwan ru kinamatuaan min Raki'? Kua kia talikur ilo Raki'? Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong.

JUNUS 2:8

Ilo ondo' sumamba ra sinungkalalaing ondo' kolondo' onong, mangiruan Rirun am kalo boo gumagaya'.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

1 KORINTUS 8:4

Ondo' pangkuatan min ra mangakan ra akanon ondo' pinairang ra sinungkalalaing: Makapandai takau raginilo sotopot no binaal ayuk ru ulun, sabap ra kolondo' tuhan ra bokon. Nakapandai takau niayuk ra rorondo' ayuk i Aki Kapuuno', am kolondo' boo bokon.

SAGULION 11:16

Pai' polosoo' akau palayawon saboi tumalikur intor ra Tuhan, am sumamba am mangandoi ra tuhan-tuhan ra bokon.

SAGULION 30:17

Kaa' amon ru kalo gumagaya' kau am kalo masaga' rumongog, am polosoon inan min palayawon koson sumamba ra tuhan-tuhan ra bokon,

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.