1 SAMUIL 12:20 - Tanou Moonsoi Timugon

²⁰ Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.

1 SAMUIL 12:20 ပူးပေါင်းရင်းမြစ်များ

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

MAZMUR 40:4

Ilaan No aku marimbai ra rimbai nakabagu, rimbai mongompor ri Aki Kapuuno' takau. Masuang ulun malaa' magilong ra baal ragitio am mangintopot ra Tuhan.

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

KAINGKUALAN 32:30

Suabon no indagu i Musa ra ulun ru Israil, “Makatula kau ra maayo. Kaa' magaloi aku poyo ra gunung no muma' ra Tuhan; gama' ru makaalap aku ra pangampunan ra tula min.”

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

AGAI 2:5

Paat ra akau miningkual intor ra Misir, binantu' Ku noyo koson masalok mabaya' ramuyun. Raino pana lakat poyo mabaya' Aku ramuyun. Ginio ra kalo pana malaa' kau.

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 11:16

Pai' polosoo' akau palayawon saboi tumalikur intor ra Tuhan, am sumamba am mangandoi ra tuhan-tuhan ra bokon.

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

JOSUA 23:6

Ginio ra musiti' kau gumagaya' am mambaal ra ngaangai' ondo' tinulisan ralalom Kitab ru Ukum ri Musa. Pai' anggal ra rondo' pana intor ra ukum raginio.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

1 SAMUIL 12:19

Indagu ilo ri Samuil, “Anii pangindangan tuan, pakiasi' no ra Tuhan i Aki Kapuuno' muno ra tayar mai, maa' raginio kalo matoi akai. Raino nakaliman akai ra suai ra tula mai ondo' masuang, makatula akai poyo paat ra akai nakitaak ra sangulun raja'.”