1 SAMUIL 12:18 - Tanou Moonsoi Timugon

¹⁸ Kopongo raginio pakiasi' i Samuil, am paat ra orou raginio niayuk napatuun Tuhan ra tingkalur am rasam. Ginio ra moonong ulun no nalaa' ra Tuhan am i Samuil.

1 SAMUIL 12:18 ပူးပေါင်းရင်းမြစ်များ

1 RAJA'-RAJA' 18:42

Liliwa' Raja' Agab mongoi akan, pagaloi i Ilia ra tampak ru Gunung Karmil. Giu' no igulatur samba io saboi ra tana' ra ulu nano giu' ra karuo-ruo ru atur nano.

IJRA 10:9

Ralalom ru buoi talu ngoorou, iono paat ra orou karuo ngoopor ra sila' kasiam, ngaangai' ungkuyon ondo' minayan giu' ra tampilon ru Jiuda am Binjamin minatong ra Jirusalim am natimung giu' ra liliut Baloi ru Tuhan. Paat ra orou raginio, riminasam ra maawas. Ngaangai' ulun nonontol sabap ra nasimuan am niayuk sabap ra maatang pantuuman raginio.

AYUP 37:13

Namparatu' i Aki Kapuuno' ra rasam koson mamasa' ra tana' ti, kapoam koson mangukum ra ulun, kapoam koson manulu' ra taak Nano.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

KAINGKUALAN 14:31

Pakakito ulun ru Israil ra nangala Tuhan ra ulun ru Misir ra kuasa' ondo' maayo, malaa' ilo ra Tuhan; mangintopot ilo ra Tuhan am ulipon Nano i Musa.

JOSUA 10:12

Paat ra orou ru Tuhan napamanang ra ulun ru Israil ra ulun ru Amori, minindagu i Josua ra Tuhan. Giu' ra saang ru ulun ru Israil indagu i Josua, “Okou mato ru orou, uog noyo giu' rasawat ru Gibion. Okou sila', uog noyo giu' rasawat ru Limayak Ayalon.”

JOSUA 4:14

Binaal ru Tuhan paat ra orou raginio nambaal ra ulun ru Israil mangurumat ri Josua koson ulun maatang. Nangurumat ilo riso buoi ru bayag nano koson ilo nangurumat ri Musa ragili.