1 SAMUIL 12:10 - Tanou Moonsoi Timugon

¹⁰ Kopongo raginio nampiau ilo nakiindangan ra Tuhan, am indagu, ‘Makatula akai noyo sabap ra tinalikuran mai Okou, iou Tuhan, am siminamba ra sinungkalalaing Dewa Baal am Asyitorit. Raino ti, pamayag no ramon intor ra pantula', am akai mangandoi ayuk boo Rirun!’

1 SAMUIL 12:10 ပူးပေါင်းရင်းမြစ်များ

MAZMUR 106:44

Kaa' Tuhan mangkirongog ra pampiawan nilono, am magilong ra kapaganan nilono.

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JOSUA 13:31

Intok nilo niayuk nakasimpung sampiruo ra libung Giliad nakaaya' Asytarot am Idrii, ruo pusor ru bandar pamarintaan Raja' Og giu' ra libung Basan. Titikop intok raginio tinaakan ra sampiruo intor ra sasambaloi ru papag ri Makgir anak ri Manasi.

TINGGANAI RU BANSA' 10:10

Ulun ru Israil pana nampiau ra Tuhan. Konilo, “Makatula akai noyo Rirun, iou Aki Kapuuno', sabap nangiruan akai Rirun am samba ra dewa-dewa Baal.”

TINGGANAI RU BANSA' 2:11

Ulun ru Israil pana makatula ra Tuhan. Kalo boo sumamba ilo ra Tuhan i Aki Kapuuno' ru kinamatuaan nilo, iono i Aki Kapuuno' ondo' nagibit risilo miningkual intor ra Misir. Tumalimpuun ilo sumamba ra Baal am Asyitorit am niayuk dewa-dewa ondo' sinamba ru ngaangai' bansa' giu' ra libung nilo. Ginio ra siminangit Tuhan risilo am nopoloso ra mantatakou namulunsar am nantakou risilo. Kalo makalulu' ilo manggal ra pantula' ra libung nilo.

TINGGANAI RU BANSA' 3:15

Ulun ru Israil pana nampiau nakiindangan ra Tuhan, am nanusub Io ri Igud anak ri Gira koson mampalabus risilo; Igud ti sangulun ondo' kipang, intor ra bansa' ru Binjamin. Nanusub ulun ru Israil ri Igud nangator ra taak upiti ra Raja' Iglon intor ra Moab.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

TINGGANAI RU BANSA' 3:9

Ulun ru Israil pana nampiau makiindangan ra Tuhan, am nanusub Io ra sangulun ungkuyon makainggalan ri Otniil anak ri Kinas nampalabus risilo. I Kinas iono boborok ungkuyon ri Kalib.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.

TINGGANAI RU BANSA' 6:7

Ulun ru Israil pana nampiau ra Tuhan makiindangan ilo gumula' ra ulun ru Midian.

1 SAMUIL 7:2

Nabuoi niayuk Kaban Nabantuan ru Tuhan no soroi ra Kiryat-Jiarim, olo'-olo' ruo ngoopor ngambilor. Buoi raginio ngaangai' ru ulun ru Israil nampiau makiindangan ra Tuhan.

1 SAMUIL 7:6

Ginio ra ilo ngaangai' timinimung giu' ra Mijpa. Nansagou ilo ra timug am sinasaran ginio ra tayar ru taak ra Tuhan. Nampali ilo niayuk buoi songorou. Indagu ilo, “Makatula akai noyo ra Tuhan.” (Giu' ra Mijpa nanalasai i Samuil ra baal pansangaran ru gino ngai' ru ulun ru Israil.)