1 SAMUIL 11:4 - Tanou Moonsoi Timugon

⁴ Ulun-ulun sinusub no nakasaboi giu' ra Gibia, intok inayanan ru Raja' Saul. Paat ra tanou no pinasaboi, ngaangai' mamagun ra giu' no tumalimpuun mantangi' sabap ra nangkaus.

1 SAMUIL 11:4 ပူးပေါင်းရင်းမြစ်များ

KASAUKAN 27:38

Nyanya'-nyanya' i Isau no makitaak ra ama' nano, “Rondo' ayuk kia barakat muno, ama'? Barakato' aku niayuk, ama'.” Tumalimpuun io poyo pantangi'.

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

1 TUNUNG RU BANSA' ISRAIL 12:3

Tiningganai ilo ri Agiijir am Joas, anak-anak ri Simaa intor ra Gibia. Gitilo noyo saujor-saujor no: Jijiil am Pilit, anak-anak ri Ajmawit Biraka am Jigu intor ra Anatot Jismaya intor ra Gibion, sangulun saujor nauligan kaga' ondo' nasauk ra sangulun intor ra tingganai “Pulalai Talu Ngoopor” Jirimia, Jigajiil, Joganan am intor ra Gidira Ilujai, Jirimot, Bialia, Simarya am Sipatia intor ra Garup Ilkana, Jisia, Ajariil, Joijir am Jasobam intor ra bansa' ru Kora Joila am Jibaja, anak-anak ri Jirogam intor ra Gidor.

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

1 KORINTUS 12:26

Amon ru rondo' tayar maimbolo', ngaangai' tayar ra bokon pana makaaya' kaimbolo'. Amon ru rondo' tayar omporon, ngaangai' tayar ra bokon no pana makaaya' pakaansuk.

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

TINGGANAI RU BANSA' 2:4

Kopongo minindagu malaikat no, ngaangai' ulun ru Israil nantangi' ra mosongou.

TINGGANAI RU BANSA' 20:26

Igondo' poyo ulun ru Israil minongoi ra Bitil am nantangi' ra saang ru Tuhan. Nampali ilo ra giu' no saboi ra rondom. Napataak ilo ra taak simbalui koson makibarakat ra Tuhan am taak simbalui koson mapabansuk ra guang ru Tuhan.

TINGGANAI RU BANSA' 21:2

Raino minongoi ulun ru Israil ra Bitil am panturung ra saang ri Aki Kapuuno' saboi ra rondom. Nantangi' ilo am nampiau,

1 SAMUIL 10:26

Raja' Saul niayuk minuli' ra baloi nano giu' ra Gibia, binaya' ru kukula' ngaulun ondo' mangapanggol. Guang nilo inunsu' noyo ru Tuhan koson mamaya' ra Raja' Saul.

1 SAMUIL 14:2

Paat raginio soroi Raja' Saul ra saau ru puun dalima' giu' ra Migron, kalo maalur intor ra Gibia; mokoondo' ra olo'-olo' onom ngaatus ngaulun nababaya' ra Raja' Saul.

1 SAMUIL 15:34

I Samuil pana minuli' boo ra Rama am Raja' Saul minuli' ra baloi nano giu' ra Gibia.

1 SAMUIL 30:4

I Daut am ulun-ulun nano nantatangi' ra mangiluk guang ra kalo timinulou saboi ra ilo kalo boo makatangi'.