1 SAMUIL 11:2 - Tanou Moonsoi Timugon

² Indagu Raja' Nagas, “Mambaal aku ra nabantuan ramuyun ra rondo' kitaakon: Kiulon ku unor ru mato ra pamiris ru moonong ulun ondo' nanauyu' ra ngaangai' ru ulun ru Israil.”

1 SAMUIL 11:2 ပူးပေါင်းရင်းမြစ်များ

KASAUKAN 34:14

Indagu ilo risilo, “Kalo pawatin mai boborok mai ra ungkuyon ondo' kalo sinunatan, sabap ra ginio mapakauyu' ramon.

2 RAJA'-RAJA' 18:31

Pai' rongogo' Raja' Gijkia. Manusub raja' ru Asyur ramuyun maa' raginio mingkual intor ra bandar min am makirakop. Akau ngaangai' iowon mangakan ra kawa' ru anggur intor ra puun ru anggur min galama' am kawa' ru ara intor ra kawa' ru ara min galama', am manginum ra timug intor ra tulubong min galama',

MAZMUR 44:13

Tinalan Mu ulun Muno ra atang kalo mologo, ra kalo mangalap ra sanganu pana kaulian.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

AMSAL 12:10

Ulun moonsoi magalung ra tinambiag nilono, kaa' ulun malaat mangimbolo' ra tinambiag nilono.

JIRIMIA 39:7

Kopongo raginio mato ru Raja' Jidikia kinuol, io pana rinantai am inibit ra Babilonia.

UNTABAN 16:14

Napandayan noyo ra kalo magibit kou ramon mongoi ra tana' ondo' malabung, kapoam manaak ramon ra umo am umo ru anggur koson ra longgom mai. Raino masaga' kou mamparuung poyo ramon. Kalo masaga' akai matong!”

TINGGANAI RU BANSA' 16:21

Ginio ra ulun ru Palistin namparakop ri Simson am kiulo' karuruo unor ru mato nano. Nagibit ilo riso giu' ra Gaja, am rinantai io ra rantai gangsa'. Giu' no pinasubol i Simson ra pangaputan am jinajalan manginsar ra gandum.

1 SAMUIL 11:10

am indagu boo Raja' Nagas, “Susuab no akai ngaangai' makirakop am guguang mu mambaal ra atan ayuk pamakuan muno ramon.”

1 SAMUIL 12:12

Kaa' paat ra akau nakapandai ra Raja' Nagas intor ra Amon no masaga' mamulunsar ramuyun, inimpayan min Tuhan koson ra raja' min. Minindagu kau raki', ‘Masaga' akai ra sangulun raja' koson mamarinta ramon.’

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”