1 SAMUIL 11:14 - Tanou Moonsoi Timugon

¹⁴ Indagu i Samuil risilo, “Ibok ongoi takau ra Gilgal am igondo' poyo mapasauk ra Raja' Saul koson raja' takau.”

1 SAMUIL 11:14 ပူးပေါင်းရင်းမြစ်များ

2 SAMUIL 19:15

Kopongo raginio ugar raja' am pakasaboi ra Sungoi Jordan. Liliwa' raginio ulun ru Jiuda nakasaboi noyo giu' ra Gilgal koson manguma' ra raja' am magalung riso lumaup ra sungoi no.

AMOS 5:5

Pai' ongoi ra Birsyiba koson sumambayang. Pai' paguyum Raki' giu' ra Bitil sabap ra Bitil lumiot. Pai' ongoi ra Gilgal, sabap ra mamagun ru bandar no patirin ra pagun.”

1 SAMUIL 10:8

Mopongo raginio musiti' kou mongoi ra Gilgal ra makapagulu intor raki', am paginaa ra giu' no buoi tulu' ngoorou. Mopongo raginio matong aku koson mapataak ra taak simbalui koson mapabansuk ra guang ru Tuhan, am taak simbalui koson makibarakat ra Tuhan, am niayuk mambala' rirun ra atan ondo' musiti' baalon muno.”

1 SAMUIL 12:1

Kopongo raginio indagu i Samuil ra ngaangai' ulun ru Israil, “Sinugut ku noyo ngaangai' kinitaak mino. Nampili' aku noyo ra sangulun raja' koson mamarinta ramuyun.

1 SAMUIL 5:3

Suabon no ra iosusuab, paat mamagun ru Asdod minongoi ra kuil no, nakito nilo sinungkalalaing Dagon nakakubu ra tana' giu' ra saang ru Kaban Nabantuan ru Tuhan. Kopongo raginio kinayang nilo sinungkalalaing no am pinasaguli' ra intok nano.

1 SAMUIL 7:16

Moonong bilor ongoyon no liputo' Bitil, Gilgal am Mijpa. Giu' no nanalasai io ra baal-baal ru pansangaran.