1 SAMUIL 10:7 - Tanou Moonsoi Timugon

⁷ Paat ra masauk baal raginio, baalo' atan ayuk limanin muno ra moonsoi, sabap ra i Aki Kapuuno' mabaya' rirun.

1 SAMUIL 10:7 ပူးပေါင်းရင်းမြစ်များ

TINGGANAI RU BANSA' 6:12

Minintalang malaikat ru Tuhan ri Gidion ra giu' no am indagu, “Tuhan mabaya' rirun, okou buayoi mapanggol am baani!”

LUKAS 2:12

Gitio tatandu' nano, makatuum kau sangulun lalagang kinusib ra konoon ondo' pinalangan ra rondo' papaakanan ra bibiag.”

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

KAINGKUALAN 4:8

Indagu Tuhan, “Amon ru kalo masaga' ilo mangintopot rirun, kapoam kalo mampalio ra mopongo makakito ra kaimuagan ondo' kasaa', kaimuagan ra kainduo mampalio ilo.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

TINGGANAI RU BANSA' 9:33

Rumondom ra susuab no, paat sumirang mato ru orou, bulunsaro' bandar no ra mamulali'. Paat i Gaal am ulun-ulun nano mingkual manggal rirun, ginio noyo kaluagan muno koson mamulunsar risilo ra ngaangai' ru kaikangan!”

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

KASAUKAN 21:20

I Aki Kapuuno' riminondon ri Ismail saboi ra io nasukor. Minayan io ra tana' kaagisan ru Paran am nasauk ra sangulun moporong mampalula'.

JUANIS 6:14

Kakito ayuk ru ulun masuang no kaimuagan sinauk ri Jisus i, konilo, “Totopot Io ti noyo nabi ondo' matong ra tana' ti!”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

1 SAMUIL 2:34

Paat ra karuruo anak muno, i Gopni am i Pinigas, matoi ra nogondo' orou, bagu no malimanan mu ra ngaangai' ondo' raguon Kutu totopot masauk.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

1 SAMUIL 3:19

Siminukor poyo i Samuil. Tuhan mabaya' riso am nambaal ra ngaangai' ondo' rinagu ri Samuil no totopot nasauk.

1 SAMUIL 20:13

Kaa' amon ru makaguang io koson mapajamar rirun, polosoon noyo Tuhan no mamatoi raki' amon ru kalo mambala' aku rirun ra baal raginio am mamayag rirun. Gama' ru mabaya' Tuhan no rirun koson Io mabaya' ra ama' kuno ragili!

2 SAMUIL 7:3

Taam i Natan, “Baalo' noyo atan ayuk kasagaan muno, sabap ra mangindangan Tuhan rirun.”

AYUP 31:25

kapoam lumimbau ra rapu' kuno.