1 SAMUIL 10:3 - Tanou Moonsoi Timugon

³ Indagu poyo i Samuil, “Intor ra giu' no, rayuso' noyo pangkiralanan muno saboi kou makasuku' ra puun tataun ru intok sambayangan giu' ra Tabor. Giu' no makatuum kou ra talu ngaulun ungkuyon ondo' tatanga' mongoi ra Bitil koson mapataak ra taak simbalui ri Aki Kapuuno'. Sangulun intor risilo no manguyung ra talu ngainan anak kambing, sangulun poyo magibit ra talu ruti', am sangulun poyo magibit ra kantungan kungkung ondo' napanu' ra wain.

1 SAMUIL 10:3 ပူးပေါင်းရင်းမြစ်များ

KASAUKAN 28:19

Inggalani' no intok raginio Bitil (Galing i ininggalanan intok raginio ra Lus).

KASAUKAN 28:22

Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

KASAUKAN 35:1

Indagu i Aki Kapuuno' ri Jakub, “Jakub, Aku noyo i Aki Kapuuno' ondo' minintalang rirun paat ra okou nagiru' intor ri Isau maayo muli. Ongoi noyo ra Bitil, ayan ra giu' am pambaal ra rondo' altar Raki'.”

KASAUKAN 35:3

Iruanin takau intok ragitio am mongoi ra Bitil. Giu' no mambaal aku ra rondo' altar ri Aki Kapuuno' ondo' nangindangan raki', paat ra aku makakapaganan am ondo' nagalung raki' ra ati ayuk angayan kuli.”

MAZMUR 89:12

Tana' ti am limbowon Okou ra longgom, Tana' ti am niayuk suang nano Okou namangun;

JIRIMIA 32:8

Topot koson ra rinagu noyo ru Tuhan, minatong i Anamiil raki' giu' ra liliut ru istana, am nangitaak koson balion ku tana' no. Ginio boo ra mangintopot aku ra topot-topot Tuhan minindagu raki'.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 23:13

Pabayaan ra taak no, musiti' kau mapataak ra ruo ngakilogram tapung ra moonsoi kaga' ondo' latakin ra umau jaitun tayar ru taak akanon. Owou ru taak no mapabansuk ra guang ru Tuhan. Pabayaan ra taak no, pataakon niayuk salito wain.

IMAMAT 3:12

Amon ru mapataak sasangulun ra sanginan kambing, musiti' io magibit ra kambing no ra Kim ru Tuhan.

IMAMAT 3:6

Amon ru domba kapoam kambing ondo' pataakon ra tayar ru taak simbalui koson makibarakat ra Tuhan, bibiag no gawayan kapoam ruandu', kaa' kalo najamaran no.

IMAMAT 7:13

Suai raginio, musiti' io niayuk mapataak ra ruti' ondo' baalon latakin ra ragi.

JOSUA 19:12

Giu' ra tampilon ra bokon ru bandar Sarid, balitan raginio sumaboi ra sirangon mongoi ra balitan ru Kislot-Tabor, am mongoi ra Dobrat am nagaloi ra Japia.

JOSUA 19:22

Balitan raginio niayuk nakarapil ra balitan ru bandar Tabor, Sagajima, Bit-Simis am polos ra Sungoi Jordan; ngaangai' no mopor am onom bandar nabaya' ra ngaangai' pekan giu' ra liput no.

TINGGANAI RU BANSA' 20:18

Ongoi ulun ru Israil ra intok sambayangan giu' ra Bitil am pangkuot ri Aki Kapuuno', “Ati ra bansa' ondo' musiti' no kasaa' mamulunsar ra ulun ru Binjamin?” Taam Tuhan, “Bansa' ru Jiuda.”

TINGGANAI RU BANSA' 20:27

Paat raginio Kaban Nabantuan ri Aki Kapuuno' soroi giu' ra Bitil, am i Pinigas anak ri Iliajar, akupu ri Arun mangandoi koson imam. Nangkuot boo ulun ru Israil ra Tuhan, “Musiti' kia akai mangayou poyo ra bansa' ru Binjamin, pabukat mai no? Kapoam musiti' kia langgain mai pangayawan ti?” Taam Tuhan, “Pangayou kano! Susuab no mangani' Aku ramuyun ra kamanangan risilo.”

TINGGANAI RU BANSA' 4:12

Paat ra i Sisira nokorongog ra i Barak anak ri Abinoam minongoi noyo ra Gunung Tabor,

TINGGANAI RU BANSA' 4:6

Sangarawan raginio, nanusub i Dibora ra ulun nampiau ri Barak anak ri Abinoam intor ra bandar Kidis giu' ra wilayah Naptali. Indagu i Dibora riso, “Tuhan i Aki Kapuuno' ru Israil nanaak noyo ra susuban ti rirun, ‘Timungo' mopor ngaribu ngaulun intor ra bansa' ru Naptali am bansa' ru Jibulon, am tingganayo' ilo mongoi ra Gunung Tabor.

TINGGANAI RU BANSA' 8:18

Kopongo raginio kuati' ri Gidion i Jiba am i Salmuna, “Ati kulaan baal ru ulun ondo' pinatoi min giu' ra Tabor no?” Taam ilo, “Baal nilo nansalu rirun, koson ra papag ru raja'.”

1 SAMUIL 10:4

Tumabi' ilo rirun am mangani' ilo ra ruo ruti' ondo' musiti' apuon mu.