1 SAMUIL 10:26 - Tanou Moonsoi Timugon

²⁶ Raja' Saul niayuk minuli' ra baloi nano giu' ra Gibia, binaya' ru kukula' ngaulun ondo' mangapanggol. Guang nilo inunsu' noyo ru Tuhan koson mamaya' ra Raja' Saul.

1 SAMUIL 10:26 ပူးပေါင်းရင်းမြစ်များ

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

IJRA 1:5

Ginio ra tingganai ru bansa' intor ra bansa' ru Jiuda am Binjamin, imam-imam am niayuk ulun-ulun ru Liwi, am moonong ulun ondo' inunsu' guang no ri Aki Kapuuno', timinampos koson muli' ra Jirusalim am mambaal saguli' ra Baloi ru Tuhan.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

JISAYA 10:29

Nansail ilo ra ralan makalalaa' am raino mombolong ilo giu' ra Giba! Mamagun ru bandar Rama mangalaa', am mamagun ru Gibia, bandar ru Raja' Saul nagigiru'.

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

RINALATAN 7:10

am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

JOSUA 18:28

Jila, Ilip, Jibus (kapoam Jirusalim), Gibia am Kiryat-Jiarim; ngaangai' no mopor am apat bandar nabaya' ra pekan giu' ra liput no. Ginio noyo tana' ondo' inapu koson ra longgom ru sasambaloi ralalom ru bansa' ru Binjamin.

TINGGANAI RU BANSA' 20:14

Ulun ru Binjamin no poyo boo minatong ra Gibia intor ra ngaangai' bandar Binjamin koson mamulunsar ra ulun ru Israil ra bokon.

1 SAMUIL 11:4

Ulun-ulun sinusub no nakasaboi giu' ra Gibia, intok inayanan ru Raja' Saul. Paat ra tanou no pinasaboi, ngaangai' mamagun ra giu' no tumalimpuun mantangi' sabap ra nangkaus.

1 SAMUIL 13:2

nampili' io ra talu ngaribu ngaulun ru Israil; intor ru suang ragitio, ruo ngaribu ngaulun minayan simpung riso giu' ra Mikmas am giu' ra kabuluran ru Bitil. Suang saribu ngaulun ra bokon minongoi nababaya' ri Jonatan, anak ungkuyon nano giu' ra Gibia, giu' ra wilayah ru bansa' ru Binjamin. Ulun ra suwo no sinusub ru Raja' Saul minuli' ra baloi ru sigagama'.

1 SAMUIL 15:34

I Samuil pana minuli' boo ra Rama am Raja' Saul minuli' ra baloi nano giu' ra Gibia.