1 SAMUIL 10:19 - Tanou Moonsoi Timugon

¹⁹ Aku noyo i Aki Kapuuno' min ondo' napalabus ramuyun intor ra ngaangai' kaimbalaan am kapaganan. Kaa' raino nangimpai kau Raki', i Aki Kapuuno' min, sabap ra nakipili' kau Raki' ra sangulun raja' min. Iou noyo, timung kano ra saang Kutu, Tuhan min, lumili' maya' ra bansa' mino.’ ”

1 SAMUIL 10:19 ပူးပေါင်းရင်းမြစ်များ

AMSAL 16:33

Ulun magugundi' koson mangulig ra kasagaan ri Aki Kapuuno', kaa' i Aki Kapuuno' galama' mangaru' ra taam nano.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

UNTABAN 11:20

kaa' buoi sansila', saboi marualan kau am lua'-lua' sabap ra kual no. Baal raginio masauk sabap nangimpai kau ra Tuhan ondo' soroi ra tatanga' mino. Nambutok kau niayuk Riso ra minindagu ra akau kalo musiti' nangiruan ra Misir.’ ”

UNTABAN 17:2

“Susubo' ulun ru Israil manaak rirun mopor am ruo ngantaun jujuga'; jujuga' no musiti' pataakon ru moonong tingganai ru bansa'. Tulisi' inggalan ru moonong tingganai ra jujuga' no,

SAGULION 17:14

Maalap min tana' ondo' pataakon ramuyun ru Tuhan i Aki Kapuuno' min, am magulayun kau noyo ra giu' no, maaru' gumogot kau ra sangulun raja' koson ra bansa'-bansa' ra liput min.

JOSUA 24:1

Tinimung ri Josua ngaangai' bansa' ru Israil giu' ra Sikgim. Nampiau io ra ngaangai' tuu' lair, ngaangai' tingganai, ngaangai' akim am ngaangai' pagawai ru Israil, am timung ilo giu' ra saang ri Aki Kapuuno'.

TINGGANAI RU BANSA' 8:23

Taam i Gidion, “Kalo masauk aku ra tingganai min; anak kuno pana kalo. Tuhan ondo' masauk ra tingganai min.”

1 SAMUIL 10:20

Kopongo raginio nanusub i Samuil ra moonong bansa' no jumalai ra saang, am bansa' ri Binjamin ondo' napili'.

1 SAMUIL 12:12

Kaa' paat ra akau nakapandai ra Raja' Nagas intor ra Amon no masaga' mamulunsar ramuyun, inimpayan min Tuhan koson ra raja' min. Minindagu kau raki', ‘Masaga' akai ra sangulun raja' koson mamarinta ramon.’

1 SAMUIL 14:23

Giminula' ulun ru Israil ra galur ru ralan saboi nakasail ra Bit-Awin. Namayag Tuhan ra ulun ru Israil ra orou raginio.

1 SAMUIL 14:38

Raja' Saul pana mindagu boo ra tingganai-tingganai ru mamagun, “Ibok kau ragiti am tutuno' min noyo atan ra tula ondo' binaal ra orou raiti'.

1 SAMUIL 3:21

Narayus Tuhan minintalang giu' ra Silo. Giu' no minintalang Io ri Samuil am minindagu riso.

1 SAMUIL 4:1

Moonong i Samuil mindagu, ngaangai' ulun ru Israil rumongog riso.Paat raginio nanimung ulun ru Palistin ra saujor nilo koson mamulunsar ra Israil. Ginio ra saujor ru Israil pana minongoi ra intok pangayawan. Saujor ru Israil nangkim giu' ra Ibin-Gaijir, am saujor ru Palistin nangkim giu' ra Apik.

1 SAMUIL 8:19

Kalo lioon ru ulun ru Israil ragu ri Samuil no, kaa' konilo, “Polosoon noyo! Totopot akai masaga' ra sangulun raja'.

1 SAMUIL 8:5

Indagu ilo risilo, “Rongogo' tuan, matutuo kou noyo am anak-anak muno kalo namaya' rirun. Ginio ra moonsoi poyo pilion mu sangulun raja' ra tayar mai, maa' raginio akai ti pana mokoondo' sangulun raja' koson ra bansa'-bansa' ra bokon.”