1 SAMUIL 10:1 - Tanou Moonsoi Timugon

¹ Kopongo raginio nangalap i Samuil ra sambutul umau jaitun, am pabuuro' umau no ra rasawat ru ulu ri Saul. Inalok no i Saul am indagu, “Pinili' kou ru Tuhan masauk ra raja' ru Israil, ulun Nano. Mamarinta kou ra ulun Nano am mangampin risilo intor ra ngaangai' pantula'. Gitio noyo inono' no ra pinili' kou noyo ru Tuhan masauk ra raja' ru ulun Nano:

1 SAMUIL 10:1 ပူးပေါင်းရင်းမြစ်များ

2 SAMUIL 1:14

Nangkuot i Daut riso, “Kua kia baani kou namatoi ra raja' ondo' pinili' ru Tuhan?”

2 SAMUIL 19:39

Kopongo raginio Raja' Daut am ngaangai' ru ulun nano liminaup ra Sungoi Jordan. Pangalok Raja' Daut ri Barjilai am pambarakat riso. Kopongo raginio uli' i Barjilai ra baloi nano.

2 SAMUIL 20:19

Bandar maiti maayo, rondo' ra bandar ondo' namimio toojo am gumagaya' toojo ra pagun ru Israil. Kua kia masaga' kou mapalunsai raginio? Masaga' kou kia mapalunsai ra longgom ru Tuhan?”

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

1 RAJA'-RAJA' 1:34

Giu' no musiti' i Jadok am i Natan mapalantik ri Salomo masauk ra raja' ru Israil. Mopongo raginio musiti' kau manamput ra bujung am gumolok, ‘Naayag Raja' Salomo!’

1 RAJA'-RAJA' 19:18

Kaa' mamayag Aku ra tulu' ngaribu ngaulun giu' ra Israil, iono ilo ondo' gumagaya' Raki' am kalo poyo igondo' samba ra Baal, kapoam nangalok riso.”

2 RAJA'-RAJA' 20:5

sumaguli' ra Raja' Gijkia, raja' ru ulun ru Tuhan. Napasaboi i Jisaya ra ragu ti riso, “Koon ragitio ragu ru Tuhan, i Aki Kapuuno' ru kinamatuaan ru raja' Daut, ‘Norongog Ku noyo pakiasian muno. Nakito Ku lomou muno. Namabas Aku no rirun am buoi talu ngoorou mongoi kou ra Baloi ru Tuhan.

2 RAJA'-RAJA' 9:1

Paat raginio Nabi Ilisa nampiau ra sangulun intor ra nabi ondo' inila' nano intor ra pulalai ru nabi, am indagu io riso, “Tampos no am ongoi no ra Ramot giu' ra Giliad. Ibito' rarapu' makasuang ra umau jaitun.

2 RAJA'-RAJA' 9:12

Taam ilo, “Kalo. Pambala' no atan rinagu nani.” Taam io, “Nambala' io raki' ra Tuhan nampatanou, ‘Aku mampalantik rirun masauk ra raja' ru Israil.’ ”

MAZMUR 135:4

Pinili' No i Jakub koson ra inan Nano galama', am ulun ru Israil koson ra longgom Nano galama'.

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 78:71

intor ra intok nano magalung ra tinambiag, am napasauk riso ra raja' ru Israil koson magalung ra ulun ri Aki Kapuuno'.

KAINGKUALAN 30:23

“Alap ra apa' pampagamis ra akanon ondo' moonsoi kaga': Onom ngakilogram mur timug, talu ngakilogram kulapa' ru kaningau maamis owou, talu ngakilogram tabu maamis owou,

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

YEHEZKIEL 16:13

Limpor muno binaal intor ra mas am pirok, am bayang muno binaal intor ra linon, sutera am konoon mokoondo' ra sulam. Nangakan kou ra ruti' ondo' binaal intor ra gandum moonsoi kaga', naratok ra ruu' ru maningot am umau jaitun. Kinantalur muno suai toojo, saboi kou nasauk ra ruandu' mapasau.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

RINALATAN 13:21

Paat ra ilo nakitaak ra raja', anii' ilo ri Aki Kapuuno' ra sangulun anak ri Kis intor ra tayar ru Binjamin, iono i Saul, koson namarinta buoi apat ngoopor ngambilor.

SAGULION 32:9

kaa' papag ri Jakub pinili' ru Tuhan tayar Nano galama'.

1 TISALONIKA 5:26

Paat ra akau manguma' ra pabukat Kristian indagu kano ra kaansayan mabaya' ra guang mapasau.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

PINAINTALANG 5:8

Paat raginio niayuk apat ilo ondo' maayag no am ruo ngoopor am apat ngaulun tingganai no igulatur ra saang ru Anak Domba no. Moonong tingganai no nampaguut ra rondo' jitor am rondo' sangkir mas ondo' makasuang ra kaminyan, ioginio pakiasian ru ulun ri Aki Kapuuno'.

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 13:14

Kaa' raino pamarintaan muno kalo mabuoi. Sabap ra okou kalo giminagaya' Riso, Tuhan no maguyum ra ulun bokon ondo' kasagain Nano koson pilion masauk ra raja' ru ulun Nano.”

1 SAMUIL 15:1

Sangarawan raginio indagu i Samuil ra Raja' Saul, “Nanusub noyo Tuhan no raki' koson mampili' rirun masauk ra raja' ru ulun Nano Israil. Raino rongogo' noyo ragu ru Tuhan Ondo' Maayo Kaga' Kuasa'.

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 2:10

Pantula'-pantula' ru Tuhan mapuso; maningkalur Io intor ra limbowon koson gumula' risilo. Mangakim Tuhan no ra titikop ru tana' ti; Manaak Io ra kuasa' ra raja', am manaak ra kamanangan ra raja' pilion Nano.”

1 SAMUIL 24:6

Kaa' kalupus raginio, malimanan ri Daut ra makasala sabap ra binaal no ginio.

1 SAMUIL 26:11

Gama' ayuk ru manginggalar Tuhan no raki' mamatoi ra raja' ondo' pinili' Nano! Alapo' to tutura' am rarapu' nano ayuk, am ugar intor ragiti!”

1 SAMUIL 26:9

Kaa' indagu i Daut, “Pai' mu jamari' io! Maaru' Tuhan no mangukum ra ulun ondo' lumaat ra raja' ondo' pinili' Nano.

1 SAMUIL 8:19

Kalo lioon ru ulun ru Israil ragu ri Samuil no, kaa' konilo, “Polosoon noyo! Totopot akai masaga' ra sangulun raja'.

1 SAMUIL 8:9

Ginio ra suguto' noyo kitaakon nilono; kaa' anii' ilo ra papakaraan ra malasang, am balai' noyo ra baal pamakuan ru raja' nilono risilo ra maagu no.”

1 SAMUIL 9:16

“Susuab no tampilon ra susuab ti olo'-olo' paat koson ragitio, manusub Aku ra sangulun ungkuyon intor ra bansa' ru Binjamin muma' rirun. Umawo' ulu nano ra umau koson ra tatandu' nampili' riso masauk ra raja' ru ulun Kuno Israil. Mapalabus io ra ulun Kuno intor ra ulun ru Palistin. Nakito Ku noyo kaimbalaan ru ulun Kuno, am norongog Ku noyo tangi' nilo ra makiindangan.”

1 SAMUIL 9:27

Paat ra ilo nakasaboi ra kiing ru bandar, indagu i Samuil ri Saul, “Susubo' ulipon muno magulu ugar.” Kopongo raginio minugar ulipon no, am indagu poyo i Samuil, “Uog ragiti sangkinolor. Masaga' aku mambala' rirun ra ragu ri Aki Kapuuno'.”