1 SAMUIL 1:6 - Tanou Moonsoi Timugon

⁶ Masalok i Ana sindualin am asabin ri Pinina, paguntu nano sabap ra Tuhan kalo nanaak ri Ana ra anak.

1 SAMUIL 1:6 ပူးပေါင်းရင်းမြစ်များ

KASAUKAN 30:1

Kaa' lakat poyo kolondo' anak ri Ragil. Maingot io boo ra maayo nano, am indagu ri Jakub, “Anii' aku ga ra anak, amon ru kalo matoi aku.”

2 SAMUIL 6:23

I Mikgal, anak ruandu' ru Raja' Saul, kolondo' anak saboi ra io minatoi.

AYUP 24:21

Baal raginio nasauk sabap ra nangimbolo' ilo ra ruandu' napuor, am kalo makaasi' ra ruandu' tabanang.

AYUP 6:14

Paat ra kapaganan koson ragitio, mompogogot aku ra rangan ondo' motopot, tawa ru lakat aku poyo gumagaya' ri Aki Kapuuno' kapoam nangiruan noyo Riso.

IMAMAT 18:18

Pai' paguot ra pabukat ruandu' ru andu' muno buoi ru andu' muno lakat poyo maayag.

TINGGANAI RU BANSA' 11:37

Indagu io poyo ra ama' nano, “Rondo' ayuk kitaakon kuno: Anii' aku buoi ruo ngansila', maa' raginio tumanggau aku giu' ra kagunungan mababaya' ra rangan-rangan kuno. Giu' no aku mangiluk guang sabap ra musiti' aku matoi paat ra lakat poyo ralaa.”

1 SAMUIL 1:7

Baal raginio nasauk ra bibilor buoi no. Pogonong ra ilo minongoi ra baloi ru Tuhan, masalok i Pinina naparuol ra guang ri Ana saboi mantangi' i Ana am marara' mangakan ra atan pana.

1 SAMUIL 2:1

Kopongo raginio pakiasi' i Ana, “Napakaansuk Tuhan no ra guang kutu; mapara' boo bansuk kutu, sabap ra atan ondo' binaal Nano raki'. Raino kuritin ku pantula' kuno; mapara' boo bansuk kuno sabap ra nangindangan noyo i Aki Kapuuno' no raki'.