1 SAMUIL 1:20 - Tanou Moonsoi Timugon

²⁰ Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”

1 SAMUIL 1:20 ပူးပေါင်းရင်းမြစ်များ

KASAUKAN 16:11

Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 30:22

I Aki Kapuuno' pana nakara' poyo i Ragil, rinongog no kiniasi' nano am nambaal riso maganak.

KASAUKAN 4:25

I Adam am i Awa nokoowot poyo ra sangulun anak ungkuyon. Indagu i Awa, “I Aki Kapuuno' nangani' raki' sangulun anak ungkuyon koson ra alig ri Abil ondo' pinatoi ri Kain i.” Ginio boo inggalani' no ri Sit.

KASAUKAN 5:29

Indagu i Lamik, “Anak ragitio mapabansuk paat ra itakau mirot mangandoi ra tana' ondo' inulas ru Tuhan.” Ginio boo inggalani' no anak nano ri Nuu.

1 TUNUNG RU BANSA' ISRAIL 4:10

Kaa' nakiasi' i Jabis ri Aki Kapuuno' ru ulun ru Israil, kono, “Iou Aki Kapuuno', barakato' aku no, am anii' aku ra tana' ondo' malangka'. Bayaa' aku no am painggaluro' aku no intor ra kalaatan ondo' mangkinibit ra aku marualan.” I Aki Kapuuno' pana nangiou boo ra kinitaak nano.

MAZMUR 120:1

Rimbai ru ratangan. Bulintok ra aku makakapaganan, mampiau aku ra Tuhan, am iowon No pakiasian kuno.

KAINGKUALAN 2:10

Paat ra anak no maayo noyo, ibito' ru ruandu' no anak no ra anak ruandu' ru raja', am anak no koson pinangkaanak ayuk boo ru anak ruandu' ru raja' no. Indagu io, “Inggalanin ku ri Musa, sabap ra inasakan ku io intor ra timug.”

KAINGKUALAN 2:22

Naganak i Jipora ra sangulun anak ungkuyon. Indagu i Musa, “Aku ti ulun bansa' ru bokon ra pagun ti, ginio boo ra inggalanin ku anak ti i Girsom.”

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

IBRANI 11:32

Tunggulin ku poyo kia? Kaa' kalo niayuk makai' ku katunung baal ru ulun-ulun ru Israil, koson i Gidion, Barak, Simson, Jipta, raja' Daut, Samuil am poyo nabi-nabi ra bokon.