1 SAMUIL 1:18 - Tanou Moonsoi Timugon

¹⁸ Indagu i Ana, “Gama' ru makaalap aku ra kimasi' muno.” Kopongo raginio ugar i Ana intor ra giu' no, am pangakan am kalo boo mangiluk guang.

1 SAMUIL 1:18 ပူးပေါင်းရင်းမြစ်များ

KASAUKAN 32:5

Raino mokoondo' aku ra sapi', kaladai, domba, kambing am ulipon. Nanusub aku mapabala' ragitio rirun ra malansan maansayan kou raki'.’ ”

KASAUKAN 32:6

Pakasaguli' ulun-ulun sinusub no ri Jakub, indagu ilo riso, “Nakatuum akai noyo ra maayo muli, i Isau am raino mangkiralan io mongoi tuum rirun am binaya' io niayuk ru apat ngaatus ngaulun.”

KASAUKAN 33:15

Indagu i Isau, “Amon ru koon poyo ragino tatangin tokou ra kukula' ngaulun intor ra ulun kuno.” Kaa' taam i Jakub, “Kalo pana ginio, makimasi' aku ayuk rirun.”

KASAUKAN 33:8

Pangkuot i Isau, “Atan kia pakuan mu ra sampulalai ondo' nauma' kuni?” Taam i Jakub, “Gitio koson makimasi' aku rirun.”

MAZMUR 34:6

Ulun ondo' inimpayan magilong Riso am maansukan; kalo igogondo' pana mangkaus guang nilo.

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

JUANIS 16:24

Saboi raino ti kolondo' poyo kinitaak min ralalom ru inggalan Kuno. Pakitaak kano am moowot min, maa' raginio maansukan kau toojo.”

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

RUT 2:13

Kon ri Rut, “Moonsoi toojo guang muno. Napabansuk kou ra guang kutu. Molomoi kou mindagu raki', kabalu' pana aku kalo nokogondo' ra mangngandoi muno.”

RUT 2:2

Paat ra sangarawan, indagu i Rut ri Naomi, “Susubo' aku no mongoi ra umo koson mampalulur ra barli ondo' napulayat intor ra kalindu' ru nangkumos. Maaru' makatuum aku ra ulun ondo' nakapulayat raginio.” Taam i Naomi, “Ugar no anak kuno.”