1 PITRUS 5:8 - Tanou Moonsoi Timugon

⁸ Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

1 PITRUS 5:8 ပူးပေါင်းရင်းမြစ်များ

ESTER 7:6

Taam i Ester, “Pantula' am mangimbolo' ramon iono i Gaman, ulun ondo' malaat ti!” Nonontong i Gaman ra raja' am andu' raja' ra nalaa' kaga'.

AYUP 2:2

Pangkuot Tuhan ri Manusuk, “Ati intor muno?” Taam i Manusuk, “Timinanggau aku ra ati-ati am minongoi ra titikop ru tana' ti.”

MAZMUR 104:21

Anak ru singa' magusig bulintok io mampalula', maguyum ra akanon ondo' tinaakan ri Aki Kapuuno'.

MAZMUR 109:6

Pasauko' noyo sangulun malaat koson mangakim ra pantula' kuno, am polosoon noyo pantula' no tagion ru pantula' nano galama'.

AMSAL 19:12

Sangit ru raja' koson ra sangal ru singa', kaa' kinoonsoi nano koson ra bolobou mamasa' ra tatanom.

AMSAL 20:2

Malaa' ra raja' sumangit nogondo' niayuk laa' bulintok singa' mansangal. Ulun mangkinibit ra raja' sumangit iono mamuso ra inan galama'.

AMSAL 28:15

Mangunguasa' ra malaat ondo' mangulipon ra ulun musikin koson ra singa' ondo' mansangal kapoam baawang ondo' mansaam.

JISAYA 50:8

Sabap ra mamaar i Aki Kapuuno', mambala' Io ra aku kolondo' sala. Osoi masaga' mansang raki'? Mabaya' to mongoi ra makama. Osoi kia manggal raki'? Susubo' io minggaar raki'.

JIRIMIA 2:15

Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 51:38

Mamagun ru Babilonia mansangal koson ra singa', am mokobolos koson ra anak ru singa'.

YEHEZKIEL 19:7

Linunsai no kubu am nampalunsai ra bandar. Mamagun ru pagun mangalaa' moonong ra io mansangal.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

DANIL 6:24

Mapara' boo bansuk ru raja'! Nanusub raja' maa' raginio paingkualon i Danil intor ra luang batu no. I Danil pana pinaingkual, am kalo najamaran io ra sanganu pana, sabap ra mangintopot io ri Aki Kapuuno'.

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 13:8

Bulunsaron Takamin koson ra baawang ondo' natatakan ra anak. Bibinsangon Takamin. Koson ra singa' saamon Takamin ra giu' no, am koson ra bibiag masigo bibinsangon Takamin.

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

AMOS 3:4

Mansangal kia singa' giu' ra kataunan, amon ru kalo poyo nokoowot ra akanon? Mansangal kia anak ru singa' giu' ra ralalom ru luang nano, amon kalo poyo nakarakop ra atan-atan?

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

JAKARIA 11:3

Ulun-ulun manguasa' manulaboi, sabap ra katulayan nilo liminiot noyo. Rongogo' sangal ru singa'; sabap ra intok ayanan ru singa' giu' ra kataunan giu' ra gawar ru Sungoi Jordan napuso noyo.

JAKARIA 3:1

Ralalom ru pinaintalang ra bokon, nanulu' Tuhan ra Tingganai Maayo Imam Josua raki'. Tingganai Maayo Imam Josua tatanga' minigor ra saang ru malaikat ru Tuhan. Tingganai ru riwato ondo' nakatampos noyo koson manguu' ri Josua, minigor ra sapapa' ri Josua.

MATIUS 13:39

Pantula' ondo' nampatias ra sampug ru alab no Tingganai ru riwato. Pangkumasan no, ioginio Orou Pupus no, am ulun ondo' mangkumos no malaikat-malaikat.

MATIUS 24:42

Ilalai' min, sabap ra kalo napandayan orou ra atan Tuhan mino rumatong.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 4:1

I Jisus pana inibit boo ru Ambiluo ri Aki Kapuuno' giu' ra tana' kaagisan koson kinamin Io ru Tingganai ru riwato.

MATIUS 4:11

Tingganai ru riwato no pana nangiruan boo ri Jisus am pulusat boo ru malaikat-malaikat matong pangindangan Riso.

MARKUS 4:15

Mokoondo' niayuk ulun koson ra sampug naratu' ra ralan. Kaa' pokorongog ilo ayuk ra Tanou ti, ratong boo Tingganai ru riwato nangalap ra Tanou no ondo' bagu rinongog nilo i.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

LUKAS 22:31

“Simon, rongogo'! Tingganai ru riwato no iniou noyo mangkinam ramuyun ngaangai' koson ra sangulun mangatap ra bilor.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

2 KORINTUS 2:11

Maa' raginio kolondo' kaluagan ru Tingganai ru riwato manguasa' ritakau; sabap ra nakapandai takau no ra atan ondo' atangon nano.

IPISUS 4:27

Pai' min anii' Tingganai ru riwato no ra kaluagan mangkinam ramuyun.

IPISUS 6:11

Alapo' noyo ngaangai' kinandoi mangayou ondo' pinongo ri Aki Kapuuno' ramuyun, maa' raginio makagula' kau ra ruung ru Tingganai ru riwato.

1 TIMOTIUS 2:15

Kaa' ruandu' pana bayagon ra io maganak, amon ru magulayun io mangintopot, motogom ra ulun bokon, mapasau guang am makapaliso ondo' sama' bayaan.

1 TIMOTIUS 2:9

Am masaga' aku ra ruandu'-ruandu' mambayang ayuk ra ondo' sama' tantangin am kalo mampakauyu' ra pagilangan ru ulun; ioginio kalo majanjayan sikot ru abuk, mampakai ra mas, mutiara kapoam bayang ra mongologo.

1 TIMOTIUS 3:11

Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

TITUS 2:2

Ragui' noyo ungkuyon matutuo maa' raginio mapintar, tumanda' am mongorot. Musiti' ilo ti mangintopot ra Kristus, motogom am poyo mataan guang.

TITUS 2:4

maa' raginio makapangila' ilo ra ruandu' mangamulok ra ati kulaan tumogom ra ralaki am niayuk anak nilai no,

TITUS 2:6

Ragui' niayuk tuu'-bagu koson ilo ti pana mapandai mongorot.

JAKUBUS 4:7

Ginio ra gagaya' kano ri Aki Kapuuno'. Anggalo' min noyo Tingganai ru riwato no, am magiru' io boo intor ramuyun.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.

PINAINTALANG 12:12

Sabap raginio, pakaansuk noyo suruga' am ngaangai' ondo' minayan no. Kaa' aibui boo ra tana' ti am raat, sabap ra Tingganai ru riwato no timinuun ra giu' am sumangit io toojo, sabap ra nakatutun io ra kaluagan nano kalo mabuoi.”

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 20:2

Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.

TINGGANAI RU BANSA' 14:5

I Simson pana minongoi ra Timna nababaya' ra matuo nano. Paat ilo mansail ra umo ru anggur ra giu' no, norongog ri Simson bolos ru sanginan singa' mamulok.