1 PITRUS 5:5 - Tanou Moonsoi Timugon

⁵ Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”

1 PITRUS 5:5 ပူးပေါင်းရင်းမြစ်များ

2 TUNUNG RU BANSA' ISRAIL 6:41

Ingkakat no raino, iou Tuhan i Aki Kapuuno', am mabaya' ra Kaban Nabantuan tatandu' ru kuasa' Muno, umpos no ra Baloi ti am ayan no ragiti ra sabubuoi no. Barakato' noyo imam-imam Muno ralalom ru ngaangai' kandoi nilo, am gama' ru ngaangai' ulun Muno maansukan ra kinoonsoi Muno risilo.

AYUP 22:29

Ulun ondo' lumimbau paingganaan ri Aki Kapuuno', kaa' ondo' minggana' guang bayagon No.

AYUP 29:14

Timbalos kutu mabanis ra kolondo' jamar; masalok ku paundukon katimpakan.

MAZMUR 132:16

Imam-imam nano mapakito ra pamayagan intor Raki', am ulun-ulun nano magigindii ra maansukan.

MAZMUR 132:9

Gama' ru ulun Muno magigindii ra maansukan, am ngaangai' imam Muno maayag sumugut ra kasagaan Muno.

MAZMUR 138:6

Kabalu' pana Okou no matulai kaga', ilain Mu niayuk ulun ondo' asasabin, am ulun malilimbau kalo mapandai mansibuni intor Rirun.

AMSAL 25:7

Moonsoi poyo piawon paturungo' ra intok ru ulun mangaayo ka susubon intok muno pataakon ra ulun makapangkat.

AMSAL 3:34

Asabin No ulun ra minsawat guang, kaa' apuon No ulun ra minggana' guang.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

YEHEZKIEL 26:16

Ngaangai' raja' ru bansa'-bansa' giu' ra kiing ru nagas tumuun intor ra kurisi' turungan nilo. Aluson nilo sukub am bayang mokoondo' ra sulam am manturung ra monontol giu' ra tana'. Malaa' ilo kaga' magilong ra pupus muno saboi kalo lumonggo' ilo monontol.

DANIL 11:12

Raja' ru Misir lumimbau sabap ra kamanangan nano, am sabap ra masuang saujor ondo' pinatoi nano, kaa' kalo marayus io mamanang.

IMAMAT 19:32

“Panangguang noyo am urumato' noyo ulun ondo' matutuo noyo. Musiti' kau mangurumat am malaa' Raki', sabap ra Aku noyo Tuhan.

LUKAS 22:26

Kaa' pai' kau tilu raginio. Sotopot no, ulun ondo' maatang kaga' intor ramuyun musiti' masauk koson ra ulun mamulok am niayuk osoi ayuk tingganai min musiti' io masauk koson ra ulipon.

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

IPISUS 5:21

Gagaya' kano ra sangulun am bokon, sabap ra akau mangurumat ri Kristus.

PILIPI 2:3

Pai' kano paguyum ra kaatangan ayuk galama' kapoam paliso lumimbau. Kaa' sotopot no paingganaa' min guang mino koson mangkara' ra ulun bokon maatang poyo intor ramuyun.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TIMOTIUS 5:1

Ilalai' toojo ragu muno ra okou mansawai ra ungkuyon ondo' matuo ka okou, porongogon mu io koson ra ama' muno galama'. Ungkuyon ondo' mamulok ka okou karaan mu koson ayuk ra boborok muno,

IBRANI 13:17

Gagaya' kano ra tingganai mino am niayuk urumato' min ilo. Sabap ra ilo ti noyo linansanan ri Aki Kapuuno' magalung ra pangintapatan min. Amon ru gumagaya' kau risilo, makapangandoi ilo ra guang maansukan, kaa' amon ru kalo, maagat boo guang nilo am kolondo' onong ru ginio ramuyun.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:1

Sabap ri Kristus naimbolo', akau pana musiti' mangikang noyo ra pamaguangan min am tumilu kau Riso. Sabap ra ulun ondo' naimbolo' noyo, mininggalur io boo ra tula.

1 PITRUS 4:5

Kaa' tauli no, ilo galama' mampataam ri Aki Kapuuno' intor ra binaal nilai, ondo' nakatampos Io noyo mangakim ra ulun naayag am poyo ulun-ulun namagatoi.