1 PITRUS 5:12 - Tanou Moonsoi Timugon

¹² Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

1 PITRUS 5:12 ပူးပေါင်းရင်းမြစ်များ

JUANIS 21:21

Kakito io ri Pitrus, kuati' no i Jisus, “Tuhan, atan nua' masauk ra ulun ti?”

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 15:22

Kapatasan boo ru rasul-rasul am tingganai nabaya' ra ngaangai' ulun Kristian nampili' ra ruo ngaulun intor risilo poongoyon ra Antiokia mabaya' ri Paulus am i Barnabas. Ondo' pinili' nilai ti i Silas am i Judas, ondo' sabiton ri Barsabas; karuruo ti inurumat tojojo ru ulun Kristian giu' ra Jirusalim.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

1 KORINTUS 15:1

Pabukat kau ngaangai', raino masaga' aku mampakara' saguli' ramuyun ra Tanou Moonsoi intor ri Aki Kapuuno' ondo' pinasaboi kuno ramuyun ragili. Ginio inapu min am nangintopot kau ri Kristus sabap ra tanou raginio.

2 KORINTUS 1:19

Sabap ri Jisus Kristus, Anak ri Aki Kapuuno', ondo' pinatanou mai ramuyun, ioginio aku, i Silas am i Timotius, kalo noyo makulau ra “Iou” am “Kalo”. Kaa' sotopot no Io no taaman “Iou” intor ri Aki Kapuuno'.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

IPISUS 3:3

Ioginio ati kulaan i Aki Kapuuno' nampaintalang raki' ra inatang No ra kalo igondo' pinabala' i, koson tinulisan ku noyo gini kariwaa'.

IPISUS 6:21

I Tikikus mambala' ramuyun ra ngaangai' tanou kuno, maa' raginio makapandai kau ra ati kulaan kaayagan kuno. Io no sangulun mangngandoi ondo' tagamin am ondo' mampagagaya' ra kandoi ru Tuhan.

KOLOSI 1:7

Inigigilaan min ragitio intor ra rangan mangangandoi mai i Ipapras, ondo' tagamin mai. Io sangulun mangngandoi ri Kristus ondo' sumugut toojo ra kandoi maatang maiti.

KOLOSI 4:7

I Tikikus ti noyo ondo' mambala' ramuyun ngaangai' ra ati kulaan aku ra giti. Io ti sangulun pabukat takau ra Kristian ondo' tagamin mai, sangulun mangngandoi ondo' kalansanin ralalom kandoi mai ra Tuhan.

KOLOSI 4:9

I Onisimus poyo sumambaya' ri Tikikus. Akau niayuk ra ulun. Io sangulun kalansanin am tagamin mai. Ilo karuo ti noyo mambala' ramuyun ra ngaangai' ondo' masauk ragiti.

1 TISALONIKA 1:1

Aku i Paulus, mabaya' ri Silas am i Timotius. Surat ti posoboyon ra pasimpungan ulun Kristian ra bandar Tisalonika, ulun kau ri Aki Kapuuno', i Ama', am poyo ulun kau ru Tuhan Jisus Kristus: Gama' ru i Aki Kapuuno' manaak ramuyun ra barakat am pabansayan.

2 TISALONIKA 1:1

Aku i Paulus, mabaya' ri Silas am i Timotius. Surat ti posoboyon ra pasimpungan ulun Kristian ra bandar Tisalonika, ulun kau ri Aki Kapuuno', Ama' takau, am poyo ulun kau ru Tuhan Jisus Kristus:

IBRANI 13:22

Pabukat kau ngai' ra Kristian, maminson aku po ra posoroto' min noyo pambalaan kutu ra guang pantataan, sabap ra surat kutu ragitio kalo kukula' maawar.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

1 PITRUS 4:10

Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.

2 PITRUS 1:12

Ginio puun ra aku masalok mampakara' ramuyun ra baal raginio, iou pana makapandai kano am niayuk mangintopot toojo ra katapatan ondo' inila' noyo ramuyun.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

3 JUANIS 1:12

Ngaangai' ulun mongompor ri Dimitrius. I Aki Kapuuno' pana mongompor riso. Akai pana mongompor riso am napandayan min noyo ra kaintutunan maiti motopot.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.