1 PITRUS 4:9 - Tanou Moonsoi Timugon

⁹ Apuo' noyo rondo' am bokon giu' ra baloi mino ra kalo mambarui.

1 PITRUS 4:9 ပူးပေါင်းရင်းမြစ်များ

KASAUKAN 24:19

Pakainum ulipon no, indagu ralaa no, “Sagawin ku niayuk unta muno maa' raginio ngaangai' no majala' manginum.”

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

ROMA 16:23

Puun baloi inayanan kutu pana, i Gayus, mampasaboi ramuyun ra bilin kaansayan nano. Ulun-ulun Kristian no mantitimung ra baloi nano. I Irastus, bendahari ru bandar Korintus, mampasaboi ramuyun ra bilin kaansayan nano, am koson niayuk i Kuartus, pabukat takau ra Kristian. [

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

PILIMON 1:14

Kaa' kalo masaga' aku mambaal ra atan ayuk pana amon ru kolondo' ragu mu mangiou. Sotopot no, moonsoi ru okou ayuk galama' mangapu riso saguli' maya' ra kasagaan muno am sala' ka jajalin tokou.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.