1 PITRUS 4:8 - Tanou Moonsoi Timugon

⁸ Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

1 PITRUS 4:8 ပူးပေါင်းရင်းမြစ်များ

AMSAL 10:12

Kasisangan mangkinibit ra pansasangaran; togom mangampun ra ngaangai' kasalaan.

AMSAL 12:16

Ulun sasambungon mataki' sumangit bulintok maabigan, kaa' ulun mapintar kalo lioon no pagasaban.

AMSAL 17:9

Amon ru kasagain ru ulun, ampuno' noyo kasalaan binaal nilo. Mapasingkual ra kasalaan makaukat ra pangkubayawan.

AMSAL 18:13

Ulun ra tumaam ra kalo poyo mangkirongog, sala' ka sasambungon ayuk kaa' mampakauyu' ra inan nano galama'.

1 KORINTUS 13:1

Kabalu' pana mapandai aku mindagu ra nansalinut ragu ru ulun, am niayuk ragu ru malaikat, kaa' amon kalo motogom aku ra ulun bokon, ragu kuno nogondo' ayuk ra bolos ru agung kapoam lunsing ondo' makausoso.

1 KORINTUS 13:4

Ulun ondo' motogom ra ulun bokon no mataan guang am maluoi makaasi'. Ulun no kalo maingot kapoam lumimbau, am poyo kalo masumbung.

KOLOSI 3:14

Kaa' ondo' maatang intor ra ngaangai' ru gitio io no togom, sabap ra gitio noyo ondo' mampasimpung ramuyun ngaangai' masauk rondo' guang.

1 TISALONIKA 3:12

Gama' ru Tuhan mangindangan ramuyun topot-topot motogom ra rondo' am bokon am niayuk ra ngaangai' ulun, saboi kinotogom min rumuang mogondo' ra kinotogom mai ramuyun.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

IBRANI 13:1

Pontotogom kano ra rondo' am bokon ra mabubukat takau ralalom ri Kristus.

JAKUBUS 5:12

Kasaa' toojo, pabukat kau ngai', ioginio: Paat ra makimabantu', pai' kau pagibot koson manabit ra suruga', tana' ti kia, kapoam atan ayuk pana. “Iou” kamin ayuk, amon ru mabaal min, kapoam “Kalo” amon ru kalo mabaal min; maa' raginio kalo maukuman kau ri Aki Kapuuno'.

JAKUBUS 5:20

karaa' min gitio: Osoi ayuk magibit ra ulun makatula tumalikur intor ra kaayagan nakalayau, makapamayag io ra ulun makatula no intor ra kapatayan am masuang tula pana ampunon.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

3 JUANIS 1:2

Pabukat ondo' tagamin kuno, malansan aku ra kalo marualan kou am ra ngaangai' ondo' baalon muno matanda', mogondo' ra pangintapatan muno ondo' maikang.