1 PITRUS 4:7 - Tanou Moonsoi Timugon

⁷ Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

1 PITRUS 4:7 ပူးပေါင်းရင်းမြစ်များ

KASAUKAN 19:35

Ginio ra paat rondom raginio, gauko' nilo i Lot, am rulug boo anak karuo no, kaa' nagauk kaga' i Lot saboi kalo nakaliman io ra atan binaal nano.

KASAUKAN 6:13

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

MAMPATANOU 7:2

Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

YEHEZKIEL 7:6

Ngaangai' no pupusin. Gitio noyo kapusaan muno. Kolondo' boo kalansanan muno.

MATIUS 24:42

Ilalai' min, sabap ra kalo napandayan orou ra atan Tuhan mino rumatong.

MATIUS 25:13

Pupusi' boo ri Jisus abig ragitio ra; “Kaa' akau, ilalai', sabap ra kalo napandayan min orou kapoam paat ratangan ru Anak ru Ulun no!”

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

LUKAS 22:46

Indagu i Jisus risilo, “Kua pombolong kau? Karat kano am pakiasi', maa' raginio makainggalur kau intor ra pangkinaman.”

ROMA 12:12

Lansan kano ra Tuhan ra guang maansukan. Kataan kano amon ru makakapaganan am kasalok pakiasi' ra Tuhan.

1 KORINTUS 15:24

Mopongo raginio, masauk pamupusan ru tana' ti. Paat raginio i Kristus mamuso ra ngaangai' ondo' maningganai, ondo' manguasa' am ondo' mamarinta ra tana' ti; am kuasa' Nano galama' koson ra raja' pataakon No ri Aki Kapuuno', Ama' takau.

1 KORINTUS 7:29

Pabukat kau ngaangai', gitio arati' ru kon kuli: kaluagan takau kalo boo mabuoi. Ginio ra tumalimpuun intor raino, moonong ungkuyon ra makaandu', moonsoi mampakaatang io ri Aki Kapuuno' ka mampakaatang ra andu' nano ayuk.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

PILIPI 4:5

Pakitono' min noyo kinoonsoi ru guang mino ra ngaangai' ulun, sabap ra mamaar noyo Tuhan sumaguli'.

KOLOSI 4:2

Ralalom ru pakiasian min, pirot kano toojo, ilalai' am paringkuanang ri Aki Kapuuno'.

2 TIMOTIUS 4:5

Kabalu' koson raginio, okou Timotius musiti' guangon mu toojo atan ayuk ondo' baalon muno. Oroton ayuk ra okou imboloon. Paugaro' noyo kandoi muno koson mampasaboi ra Tanou Moonsoi ti am pongoono' noyo ngaangai' ondo' pinalansan rirun koson ra sangulun ulipon ri Aki Kapuuno'.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

IBRANI 10:25

Pai' takano impayi' mantitimung koson ra kaindalaman ru santayaran ulun. Pampakara' takano ra rondo' am bokon intor ra baal raginio, sabap ra mapandayan takau noyo ra kalo boo mabuoi ratangan saguli' ru Tuhan.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.

1 PITRUS 3:7

Am mogondo' niayuk ramuyun ralaki kau ngai', pakaintutun kano ra intor ra akau mansawo, andu' min ti noyo ondo' karaan ra molomoi. Urumato' noyo ilo ti, sabap ra ilo pana mogondo' ramuyun makaapu ra taak, ioginio kaayagan intor ri Aki Kapuuno'. Gagayaa' min ginio, maa' raginio kolondo' boo mokopongompong ra pakiasian mino.

1 PITRUS 5:8

Tampos kano am pagilalai' min! Sabap ra Tingganai ru riwato, pantula' mino, mijajawot am mansangal' koson ra singa' maguyum ra osoi ayuk mapatoi nano.

PINAINTALANG 16:15

“Rongogo' min! Aku matong koson ra sangulun mantatakou. Pakaansuk noyo ulun ondo' kalo mombolong am ondo' magalung ra bayang nano. Pagilalain no saboi kalo magibaang io am mauyu' ra saang ru ulun.”