1 PITRUS 4:3 - Tanou Moonsoi Timugon

³ Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.

1 PITRUS 4:3 ပူးပေါင်းရင်းမြစ်များ

2 SAMUIL 13:28

Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

1 RAJA'-RAJA' 21:26

Nambaal Raja' Agab ra tula ondo' malaat kaga', sabap ra siminamba io ra sinungkalalaing koson ra binaal ru ulun ru Amori, ondo' pinagiru' ru Tuhan paat ra ulun ru Israil nangayan ra tana' ti ragili.)

2 TUNUNG RU BANSA' ISRAIL 15:8

Pokorongog Raja' Asa ra inala' ri Ajaria anak ri Obid, guang nano minikang. Pinatiran no ngaangai' sinungkalalaing giu' ra Jiuda am Binjamin, am niayuk ngaangai' sinungkalalaing giu' ra bandar-bandar ondo' ginaau nano giu' ra kabuluran Ipraim. Raja' Asa nomonsoi ra altar ru Tuhan ondo' pinabanta' giu' ra liliut ra Baloi ru Tuhan.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

JISAYA 5:11

Aibui boo ramuyun! Kakakarat min ayuk poyo am manginum kano ra inumon makagauk. Magauk kau boo saboi ra tanga' ru rondom.

JISAYA 65:4

Bulintok ra rondom mongoi ilo ra luang ru batu am kalabangan koson makipinson ra ulun-ulun namagatoi no. Mangakan ilo ra kual ru bauwi am manginum ra ruu' ru kual ondo' pinataak ra sinungkalalaing.

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

YEHEZKIEL 44:6

“Balai' Israil, bansa' ra gumuor no, ra Aku, Tuhan Raja', marara' boo mompoloso risilo mambaal ra ondo' makauyuyu'.

YEHEZKIEL 45:9

Indagu Tuhan Raja', “Akau ngaangai' ondo' mamarinta ra Israil, makatula kano ra nabuoi noyo. Langgai' pangimbalaan am binaal ondo' malaat. Baalo' ondo' motopot am matimpok. Totopot pai' boo pagiruo' ulun Kuno intor ra tana' nilo. Aku, Tuhan Raja' nakaindagu noyo ramuyun.

MARKUS 7:22

lumapau, kumaluluung, mambaal ra makauyuyu', mamparuung, mangusolon, manimbaal ra ragu, malilimbau, bungas am atan ayuk kalaatan.

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

1 KORINTUS 12:2

Karaa' min paat ra akau kalo poyo nakaulig ra Tuhan, nakalayau kau siminamba ra sinungkalalaing ondo' kolondo' painawo.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

2 KORINTUS 12:21

Malaa' aku ra paat ra aku matong ra maagu no, tauyuon aku ri Aki Kapuuno' ra saang min, am tangiin ku ulun makatula no ondo' kalo poyo timinalikur intor ra pansasawaan am baal nilo ra majamol am makauyuyu' no.

GALATIA 5:19

Kinibit ru paliso ru ulun nauligan noyo: Ioginio baal ru pansasawaan, baal majamol am baal makauyuyu';

GALATIA 5:21

Am mangkinibit poyo ra mangusolon, magauk, rumamai ra jajajou am mansalinut poyo. Pinakara' ku ramuyun raino mogondo' ra aku nampakara' noyo ramuyun ragili; ulun ondo' makapaliso koson raginio kalo makaliman ra Pamarintaan ri Aki Kapuuno'.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

1 TISALONIKA 4:5

Pai' kano baya' ra kinibit lumapau, koson ra ulun ondo' kalo makaulig ri Aki Kapuuno'.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.