1 PITRUS 4:19 - Tanou Moonsoi Timugon

¹⁹ Ginio nai ra osoi ayuk maimbolo' sabap ra gitio noyo inatang ri Aki Kapuuno', rayusin nilo ayuk mambaal ra moonsoi am pataakon nilo boo kaayagan nilo galama' Riso ondo' nampasauk risilo am Io maalap kalansani'.

1 PITRUS 4:19 ပူးပေါင်းရင်းမြစ်များ

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

MAZMUR 138:8

Sinugut Mu ngai' bantu' Muno raki'; iou Tuhan, togom Muno mantilayun. Pai' langgai' mangindangan ra ulun-ulun Muno.

MAZMUR 31:5

Palabuso' aku no intor ra jajaling ondo' inatang nilo mamatoi raki'; Okou noyo intok kuno sumindung.

MAZMUR 37:5

Pataako' bayag muno ra Tuhan, lansan no Riso am mangindangan Io rirun;

JISAYA 43:21

Ilo noyo ulun Kuno ondo' sinauk Ku ra longgom Kuno galama'.”

JISAYA 43:7

Ilo noyo ulun Kuno, binangun Ku ilo koson mampatulai Raki'.”

DANIL 6:22

Taam i Danil, “Kaayag kono raja' ra sabuoi-buoi no!

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

RINALATAN 7:59

Paat ilo nomomobol i, pakiasi' i Stipanus, kono, “Tuhan Jisus, apuo' noyo ambiluo kutu!”

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

1 PITRUS 2:15

Sabap ra kasagaan ri Aki Kapuuno' noyo ginio, ra mambaal kau ayuk ra moonsoi, koson mopolonggo' kau ra panguwan ru ulun bungas ondo' kolondo' onong no.

1 PITRUS 3:17

Sabap ra moonsoi poyo maimbolo' sabap ra mambaal ra moonsoi – amon ru ginio noyo kasagaan ri Aki Kapuuno' – intor ra maimbolo' sabap ra mambaal ra malaat.

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.