1 PITRUS 4:10 - Tanou Moonsoi Timugon

¹⁰ Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.

1 PITRUS 4:10 ပူးပေါင်းရင်းမြစ်များ

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

MATIUS 24:14

Tanou Moonsoi ra i Aki Kapuuno' mamarinta posoboyon ra ngaangai' ulun ru tana' ti koson ra sasi' mampaintutun risilo. Mopongo ginio bagu no matong pamupusan ru tana' ti.”

MATIUS 24:21

Sabap ra kalaatan ru paat raginio kalo igondo' nasauk intor ra tana' ti biningkal saboi raino am kalo boo masauk saguli'.

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

MATIUS 25:17

Mogondo' niayuk ra ulipon ondo' inanian ra ruo ngaribu ruit mas ni ra nakaalap io ruo ngaribu poyo.

MATIUS 25:44

Indagu ilo boo Riso, ‘Kaa' Tuhan, sanggilan kia akai nakakito Rirun naitilan, kapoam pinaason, kapoam nasauk ra ulun bansa' ru bokon, kapoam kolondo' bayang, kapoam narualan, kapoam inaput am akai kalo nangindangan Rirun?’

MARKUS 10:45

Sabap ra Anak ru Ulun no pana kalo minatong koson maningganai ra ulipon, kaa' Io galama' sumauk ra ulipon am mampataak ra painawo Nano koson mamayag ra masuang ulun.”

LUKAS 12:42

Taam ru Tuhan, “Osoi ulipon ra gumagaya' am matanda' toojo? Io no ondo' susubon ru tuan nano maningganai ra ulipon ra bokon, am mangani' risilo ra akanon paat ra inaru' noyo.

LUKAS 19:13

Kaa' io kalo poyo minugar, piawo' no mopor ngaulun ulipon nali am sinonong ilo anii' ra sampila' ruit mas. Kono, ‘Kinami' min ruangi' ruit ti paat ra aku kalio.’

LUKAS 8:3

i Joana, andu' ri Kuja, pagawai ra istana raja' Irodis, i Susana am masuang poyo ruandu' ra bokon. Masalok ilo mangindangan ri Jisus am maamaya' Nano koson mangani' risilo ra balanja'.

ROMA 15:25

Kaa' raino mongoi aku ra Jirusalim pangator ra ruit pangindangan ra ulun ri Aki Kapuuno' ra giu' no.

ROMA 15:27

Sala' ka jinajalan ilo raginio, sotopot no ginio musiti' baalon nilo. Sabap ra intor ra ulun ru Jaudi, ulun sala' ka Jaudi nakaapu noyo ra barakat ri Aki Kapuuno'. Ginio kon ra musiti' tupo ulun sala' ka Jaudi mangindangan ra ulun ru Jaudi ra mantayar ra rapu' nilono risilo.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 3:10

Maya' ra kapintaran ondo' pinataak ri Aki Kapuuno' raki', aku noyo nambaal ra turungan ru lugu' am ulun boo ra bokon manunggul panambaloi. Kaa' musiti' pagilalain ru moonong ulun ati kulaan io manunggul ra kandoi ti.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

2 KORINTUS 9:1

Sotopot no kalo boo pana mamatik aku ramuyun intor ra ruit paindanganon pataakin ra ulun ri Aki Kapuuno' ra Jirusalim.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.

2 TIMOTIUS 1:18

Okou galama' noyo nakapandai ra ingkukula' io no nangindangan raki' giu' ra bandar Ipisus. Gama' ru Tuhan mangani' riso ra asi' paat ra Orou Pupus no.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.