1 PITRUS 3:9 - Tanou Moonsoi Timugon

⁹ Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 PITRUS 3:9 ပူးပေါင်းရင်းမြစ်များ

KASAUKAN 42:25

Pasuangi' ri Jusup karung ru pagaka'-pagaka' nano ra gandum am paulio' ruit nilono ra karung ru sigagama'. Palutui' no ilo ra akanon ra pangkiralanan. Susuban nano ginagaya' baalo'.

AMSAL 17:13

Ulun ondo' mambalos ra kaansayan no ra kalaatan, kalo makapagiru' kalaatan ru baloi nano.

AMSAL 20:22

Kalaatan pai' balasi' ra kalaatan; pangintopot no ra Tuhan am mangindangan Io ramuyun.

AMSAL 28:10

Osoi-osoi mapalayau ra ulun mabanis guang, masulungan ru kalaatan nano galama'. Ulun ra kolondo' sala barakaton saboi maansukan.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

MATIUS 5:39

Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.

MATIUS 5:44

Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

MARKUS 10:17

Paat ri Jisus minintor, nanunggul ra pangkiralanan Nano, ratong sangulun nasisimbul rumampot Riso. Ulun no igulatur ra saang ri Jisus am pangkuot, “Mangingila' ra moonsoi, atan musiti' baalon kutu koson mokoowot ra kaayagan ondo' motopot am mantilayun?”

LUKAS 10:25

Ratong sangulun mangingila' ra Ukum ri Musa ri Jisus koson mangkinam Riso. Pangkuot io, “Tuan! Atan kia baalon kutu koson makaalap ra kaayagan mantilayun?”

LUKAS 18:18

Pangkuot sangulun tingganai ru ulun ru Jaudi ri Jisus, “Mangingila' ra moonsoi, atan kia maaru' kuno baalon koson mokoowot ra kaayagan mantilayun?”

ROMA 12:14

Pakiasi' noyo ri Aki Kapuuno' koson mambarakat ra ulun ondo' mangimbolo' ramuyun. Iou, pabarakatin ilo am sala' ka ulason.

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

GALATIA 3:14

Kapatayan ri Kristus ti noyo ondo' mangkinibit ra barakat binantu' ri Aki Kapuuno' ri Abragam i, makataak niayuk ra ulun sala' ka Jaudi. Ra pangintapatan ti noyo itakau makaapu ra Ambiluo ri Aki Kapuuno' ondo' binantu' ri Aki Kapuuno' i.

IPISUS 4:32

Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

IBRANI 12:17

Napandayan min ra tauli i, nakibarakat niayuk i Isau ra ama' nali, kaa' kalo binarakat io, kabalu' pana nangkinam io pangulau ra binaal nali saboi nantangi', kaa' kalo niayuk naalap no.

IBRANI 6:14

“Barakaton tokou am aniin tokou ra sayat masuang.”

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 SAMUIL 26:11

Gama' ayuk ru manginggalar Tuhan no raki' mamatoi ra raja' ondo' pinili' Nano! Alapo' to tutura' am rarapu' nano ayuk, am ugar intor ragiti!”