1 PITRUS 3:21 - Tanou Moonsoi Timugon

²¹ Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

1 PITRUS 3:21 ပူးပေါင်းရင်းမြစ်များ

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

JUANIS 13:9

Kon ri Simon Pitrus, “Tuhan, amon ru koson poyo raginio, sala' ka kalayam kutu ayuk baguin Muno, kaa' kalindu' am ulu kutu pana.”

RINALATAN 16:33

Paat ra rondom i niayuk, inibit ilo ru tingganai i mambagu' ra pilat nilai. Paat ragili niayuk ngaangai' ulun ru baloi i riniu'.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 8:37

Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

ROMA 5:14

Kabalu' raginio, intor ri Adam suku' ri Musa, minatoi ngaangai' ulun, ilo pana ondo' kalo makatula koson kaanggalan ri Adam, ra io kalo giminagaya' ra panusuban ri Aki Kapuuno'. I Adam ti noyo panginuuyan ra Io ondo' matong no.

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

1 KORINTUS 4:6

Pabukat kau ngaangai', aku am i Apolos nampagagaya' noyo ra ngaangai' ni. Akai galama' alapon min ra tiluan, maa' raginio makaigigila' kau ra atan arati' ru ragu ragitio; “Gagayaa' min noyo aturan ra motopot.” Koson raginio noyo ra kolondo' sangulun pana ramuyun mongompor ra sasangulun kapoam magasab ra bokon.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

GALATIA 3:27

Sabap ra osoi ayuk ondo' riniu' am pinasimpung ri Kristus, io niayuk mokoondo' ra paliso ri Kristus galama'.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

KOLOSI 2:12

Sabap ra paat ra akau riniu', ginio mogondo' ra linobong kau, koson niayuk i Kristus linobong. Am intor ra pampariwan ti, akau bayagon boo saguli' mabaya' Riso, sabap ra mangintopot kau ra kuasa' ri Aki Kapuuno' ondo' namayag ri Kristus saguli' intor ra kapatayan.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

1 TIMOTIUS 6:12

Gogot no gumagaya' ri Kristus ra sotopot-topot ru guang suku' moowot mu kaayagan mantilayun. Sabap raginio noyo nampiawan ri Aki Kapuuno' rirun paat ra okou nangiou ra mangintopot kou no ri Jisus Kristus ra saang ru masuang sasi'.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 11:19

Sabap ra makakalansanan i Abragam ra i Aki Kapuuno' makapamayag ra ulun ondo' minatoi noyo. Ginio ra maaya' raguon ra io ti nangapu noyo ri Isak saguli' intor ra kapatayan.

IBRANI 13:18

Kasalok kano pakiasi' ri Aki Kapuuno' ramon. Mangintopot akai ra bolos ru guang mai no mapasau, sabap ra mirot akai mambaal ra motopot ra ngaangai' baal.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.