1 PITRUS 3:14 - Tanou Moonsoi Timugon

¹⁴ Kaa' amon ru imboloon kau sabap ra mambaal kau ra motopot, pakaansuk kano. Pai' kano kalaa' ra osoi ayuk pana am pai' pagalabo poyo.

1 PITRUS 3:14 ပူးပေါင်းရင်းမြစ်များ

AMSAL 3:25

Kalo pana magalabo kou ra karaat rumatong ra sangkuliop ayuk, koson ra rosob lumumpa' ra ulun malaat.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

JIRIMIA 15:15

Indagu aku boo raiti, “Iou Tuhan, makarati' Kou ra ngaangai' no. Karaa' aku am indangano' aku. Balasi' ilo ondo' nangimbolo' raki'. Pai' noyo pokoorot risilo saboi makasugut ilo mamatoi raki'. Karaa' noyo ra aku inasaban sabap Okou.

YEHEZKIEL 3:9

Baalon Tokou koson ra kinaikang ru bulur batu am koson ra kinokotog ru intan. Pai' kalaa' ra ulun-ulun gumuor no.”

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

MATIUS 10:31

Ginio ra pai' kano kalaa'. Maatang kau toojo intor ra nasuangan susuit pilit!”

MATIUS 10:39

Osoi ayuk kalo masaga' mampataak ra kaayagan nano, io no matatakan ra kaayagan motopot; kaa' osoi ayuk mampataak ra kaayagan nano sabap ra Aku, makaalap io ra kaayagan motopot.”

MATIUS 16:25

Sabap ra osoi ayuk kalo masaga' mampataak ra kaayagan no, io no matatakan ra kaayagan ondo' motopot. Kaa' osoi ayuk mampataak ra kaayagan sabap ra Aku makaalap ra kaayagan ondo' motopot.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MARKUS 10:29

Taam i Jisus, “Balain takamin ra sotopot no, osoi ondo' nangiruan ra pamagunan nano kapoam pinongkotob nano ra ungkuyon kapoam ruandu', ina', ama' kapoam lalaing-lalaing nano, kapoam lanau am umo nano sabap ra maya' io Raki' am sabap ra mampasaboi ra Tanou Moonsoi no;

MARKUS 8:35

Sabap ra osoi ayuk kalo masaga' mampataak ra kaayagan nano, io no matatakan ra kaayagan ondo' motopot. Kaa' osoi ayuk mampataak ra kaayagan sabap ra aku am Tanou Moonsoi intor ri Aki Kapuuno', makaalap ra kaayagan ondo' motopot.

JUANIS 14:1

Indagu i Jisus ra maamaya' Nano, “Pai' kau kaimamang. Pangintopot kano ri Aki Kapuuno' am pangintopot kau niayuk Raki'.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

RINALATAN 9:16

Aku galama' manulu' riso ra suang ru kapaganan ondo' mauma' no sabap ra Aku.”

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

PILIPI 1:29

Sabap ra akau inanian ra kaluagan manguma' ra kaimbalaan sabap ri Kristus am sala' ka mangintopot ayuk Riso.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

1 PITRUS 3:6

Koson niayuk i Sara giminagaya' ri Abragam, saboi nanabit io riso ra “tuan nano”. Akau ti koson ayuk ri Sara raino, amon ru mambaal kau ra moonsoi am kalo malaa' ra atan ayuk pana.