1 PITRUS 3:13 - Tanou Moonsoi Timugon

¹³ Osoi kia masaga' mampakalaat ramuyun, amon ru masalok kau mambaal ra moonsoi?

1 PITRUS 3:13 ပူးပေါင်းရင်းမြစ်များ

MAZMUR 38:20

Ngaangai' pantula' mangaligag am mangaikang; masuang ulun masisang raki' ra kolondo' sasaban.

AMSAL 12:21

Ulun moonsoi kalo malumpa' ru karaat, kaa' ulun malaat masalok malumpa' ru kapaganan.

AMSAL 15:9

Masisang Tuhan ra ralan kaayagan ru ulun maanggal-anggal, kaa' tagamin No ulun ondo' gumogot mambaal ra kasagaan Nano.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

JIRIMIA 39:12

“Ongoi noyo uyumo' i Jirimia am alungi' io toojo. Pai' io jamari', kaa' iowo' noyo atan ayuk kitaakon nano.”

ROMA 13:3

Ulun ondo' mambaal ra moonsoi kalo pana malaa' ra parinta, kaa' ilo ondo' mambaal ra malaat no. Amon ru kalo masaga' kau malaa' ra parinta, pambaal kano ra moonsoi, am intor raginio omporon kau boo.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 14:1

Pirot kano motogom ra ulun bokon. Gogoto' min niayuk taak intor ra Ambiluo ri Aki Kapuuno', mulu' poyo ra kasagaan koson mampasaboi ra bala' intor ri Aki Kapuuno'.

IPISUS 5:1

Tilu kano ri Aki Kapuuno' sabap ra akau noyo anak ondo' tagamin Nano.

1 TISALONIKA 5:15

Ilalai' min noyo ra kolondo' sangulun kon pana mambalos ra kalaatan risilo ondo' mambaal ra kalaatan riso. Kaa' pirot kano pambaal ra moonsoi ra rondo' am bokon am poyo ra ngaangai' ulun.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.