1 PITRUS 3:1 - Tanou Moonsoi Timugon

¹ Mogondo' niayuk ramuyun andu' kau ngai', ra gagaya' kano ra ralaki mino. Maa' raginio amon ru mokoondo' lair intor risilo kalo mangintopot ra bala' ri Aki Kapuuno', kaayagan min raginio noyo magibit risilo mangintopot.

1 PITRUS 3:1 ပူးပေါင်းရင်းမြစ်များ

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

AMSAL 11:30

Ulun ra motopot kaayagan nano tumanda'; ulun ra mapintar rumuang maamaya' nano.

AMSAL 18:19

Maguguyu mangirot ra pabukatan koson ra timbok ru bandar ondo' mapiot, kaa' pantataaman mangukat ra pabukatan.

MATIUS 18:15

“Amon ru sangulun ondo' mangintopot Raki' makatula rirun, tuumo' am balai' sala nano ra akau ayuk ruo. Amon ru mangkirongog io rirun, naalap mu io ti saguli'.

ROMA 10:16

Kaa' sala' ka ngaangai' ulun mangintopot ra Tanou Moonsoi. Kon ru nabi Jisaya, “O Tuhan, mokoondo' kia mangintopot ra tanou pabalaan maiti?”

ROMA 6:17

Kaa' paringkuanangan ri Aki Kapuuno', sabap ra galing i inulipon kau ru tula, kaa' raino gumagaya' kau toojo ra pangilaan motopot ondo' inapu min.

ROMA 7:2

Koson panginuuyan ragitio: maya' ra ukum, ruandu' makaralaki no musiti' masimpung ra ralaki nano buoi ra io maayag ayuk. Kaa' amon ru matoi ralaki nano nakalabus ruandu' no intor ra ukum raginio.

1 KORINTUS 11:3

Kaa' masaga' aku ra akau makarati' ra i Kristus noyo maningganai ra moonong ungkuyon, ralaki maningganai ra andu', am i Aki Kapuuno' no maningganai ri Kristus.

1 KORINTUS 14:34

ruandu'-ruandu' musiti' mongkoror paat ra pampaugaran ru sambayang no. Pai' polosoo' ilo mansusunur; maya' ra susuban ru Ukum ri Musa, kalo moonsoi ilo maningganai.

1 KORINTUS 7:16

Andu' ra Kristian kau, maalap min nua' ralaki mino mangintopot ra Tuhan? Mogondo' niayuk ramuyun, ralaki kau ra Kristian, maalap min nua' andu' mino mangintopot ra Tuhan?

IPISUS 5:33

Ginio pana makakulawit niayuk ramuyun: moonong ralaki musiti' motogom ra andu' nano koson riso galama', am niayuk moonong andu' musiti' gumagaya' ra ralaki nano.

KOLOSI 3:18

Andu' kau ngai', moonsoi ru mampagagaya' kau ra ralaki mino sabap ra ginio maaru' baalon ru sangulun Kristian.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 3:2

Am kabalu' pana ra kalo mindagu kau risilo intor raginio, makakito ilo no ra kaayagan min ra mapasau no am ati kulaan gagaya' mino ri Aki Kapuuno'.

1 PITRUS 3:7

Am mogondo' niayuk ramuyun ralaki kau ngai', pakaintutun kano ra intor ra akau mansawo, andu' min ti noyo ondo' karaan ra molomoi. Urumato' noyo ilo ti, sabap ra ilo pana mogondo' ramuyun makaapu ra taak, ioginio kaayagan intor ri Aki Kapuuno'. Gagayaa' min ginio, maa' raginio kolondo' boo mokopongompong ra pakiasian mino.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?