1 PITRUS 2:9 - Tanou Moonsoi Timugon

⁹ Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 2:9 ပူးပေါင်းရင်းမြစ်များ

MAZMUR 106:5

Gama' ru makakito aku ra ulun Muno lumangkaya' saguli', am gama' ru maansukan aku mababaya' ra ulun Muno, am niayuk marikamo mababaya' risilo ondo' masauk ra longgom Muno.

MAZMUR 118:27

Tuhan no i Aki Kapuuno'; moonsoi Io ritakau. Satanggal-tanggal ilo ra raan ru roroon koson mapatalimpuun ra pangiantakan am mugar lumiput ra altar.

MAZMUR 135:4

Pinili' No i Jakub koson ra inan Nano galama', am ulun ru Israil koson ra longgom Nano galama'.

MAZMUR 22:30

Ngaangai' ulun malilimbau igugulatur Riso; ngaangai' ulun igugulatur ra saang Nano.

MAZMUR 33:12

Pakaansuk noyo bansa' ondo' mangiou ra Tuhan noyo i Aki Kapuuno' no; pakaansuk noyo bansa' ondo' pinili' koson ra longgom Nano!

MAZMUR 73:15

Amon ru mindagu aku koson raginio, talikurin ku ulun Muno.

JISAYA 26:2

Ukabi' noyo kulobon-kulobon garabang ru bandar, Maa' raginio bansa'-bansa' ra gumagaya' sumubol, ondo' ulun nano gumagaya' ra kasagaan ri Aki Kapuuno'.

JISAYA 41:8

Kaa' akau Israil, ulipon Kuno, akau noyo ulun pinili' Kuno, papag kau ri Abragam, kubayau Kuno.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 44:1

Indagu Tuhan, “Rongogo' noyo, akau ulipon Kuno Israil, akau ulun pinili' Kuno, papag ri Jakub.

JISAYA 61:6

Piawon kau koson ra imam-imam ru Tuhan, koson ra ulipon ri Aki Kapuuno' takau. Makasia' kau ra kinalangkayaan ru bansa'-bansa', am mamanggo makaalap ra kinalangkayaan no.

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JISAYA 66:21

Santayaran risilo no pasaukon Ku ra imam am ulun ru Liwi.

JISAYA 9:2

Iou Tuhan, inanian Mu ilo ra kaansukan maayo, binansuk Mu ilo. Maansukan ilo sabap ra binaal Muno, koson ra ulun maansukan bulintok mangkumos ra tatanom, kapoam mantatayar ra kuliamos ginaau.

MALIAKI 3:17

Mindagu Tuhan Ondo' Maayo Kaga' Kuasa', “Masauk ilo ra ulun Kuno. Paat ra orou Aku mimbuor ra tauli no, masauk ilo ra longgom Kuno ondo' tagamin toojo. Makaasi' Aku risilo koson ra sangulun ama' ondo' makaasi' ra anak ondo' mangandoi ayuk riso.

MATIUS 4:16

Ulun ondo' soroi ralalom kalandaman makakito ra sinda matawang. Ra ondo' mayan ra intok kapatayan silawon ilo ra binusasal.”

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

LUKAS 1:79

mangani' Io ra sinda ra ulun ondo' mayan ra kalandaman am malaa' ra kapatayan, am maningganai ritakau ra ralan sumuku' ra kaansayan.”

JUANIS 17:19

Taakin Ku kaayagan Kutu Rirun, maa' raginio totopot mampataak ilo ra kaayagan nilo mangandoi ayuk Rirun.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

RINALATAN 26:28

Taam boo i Agripa ri Paulus, “Indoson muno kia ra mampasauk kou raki' ra Kristian ra mataki'?”

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

1 KORINTUS 3:17

Osoi ayuk mampalunsai ra baloi ri Aki Kapuuno', io pana lunsayon ri Aki Kapuuno'. Sabap ra matulai toojo ayanan ri Aki Kapuuno' am akau noyo ayanan Nano.

IPISUS 1:14

Ambiluo raginio noyo mapakalansan ritakau ra makaapu toojo ra ngaangai' ondo' binantu' ri Aki Kapuuno', suku' kalabusan ra ulun ondo' mangintopot riso. Sabap raginio, omporo' noyo i Aki Kapuuno' ondo' kolondo' pogondo'!

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

IPISUS 3:21

Koompor noyo Io ra pasimpungan ulun Kristian ralalom inggalan ri Kristus Jisus, suku' ra ati ayuk papag ra sabuoi-buoi no. Amin!

SAGULION 10:15

Kaa' togom ru Tuhan ra kinamatuaan mini maayo kaga' saboi nampili' Io ramuyun intor ra ngaangai' bansa', am akau noyo ulun pinili' Nano.

SAGULION 14:2

Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

SAGULION 18:2

Ondo' apuon nilono iono tungkuson nilo, koson ondo' binantu' noyo ru Tuhan. Ginio sabap ra kalo makaalap ilo ra tana' koson ra bansa'-bansa' ra bokon no.

SAGULION 4:20

Kaa' akau iono bansa' ondo' binayag Nano intor ra Misir, intok koson ra rapuan mampaliou ra basi' ondo' mapaang. Nagibit Io ramuyun miningkual intor ra pagun raginio maa' raginio masauk kau ra ulun Nano galama' koson ra baal min ra orou raiti'.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

PILIPI 3:14

Ginio boo puun ra aku marayus ayuk mompogogot ra taak nangulaan ti, ioginio kaayagan giu' ra suruga'. Am gitio noyo pampiawan ritakau ri Aki Kapuuno' sabap ri Jisus Kristus.

KOLOSI 1:13

Nampalabus Io noyo ritakau intor ra kuasa' ru kalandaman am pinoongoi takau boo ra ralalom ru pamarintaan ru Anak tinagaman Nano.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.

PINAINTALANG 1:6

Nampasauk Io ritakau ra imam ondo' mabaya' Riso makapamarinta takau am poyo mangandoi ra Ama' Nano, i Aki Kapuuno'. I Jisus Kristus noyo ondo' matulai am makakuasa' ra mantilayun. Amin!

PINAINTALANG 20:6

Pakaansuk no ulun ondo' paayaan bayagon saguli' ra kasaa' ti. Kapatayan karuo kalo manguasa' risilo. Masauk ilo boo ra imam ri Aki Kapuuno' am ri Kristus, am mamarinta ilo mababaya' Riso buoi saribu ngambilor.

PINAINTALANG 5:10

Nampasauk Kou risilo koson ra imam ondo' mabaya' Rirun mangandoi ri Aki Kapuuno', am mamarinta ilo ra tana' ti.”

1 SAMUIL 12:22

Nagibot noyo Tuhan ra kalo mangiruan Io ramuyun, sabap ra namatas Io noyo ra masauk kau ra ulun Nano galama'.