1 PITRUS 2:24 - Tanou Moonsoi Timugon

²⁴ I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 2:24 ပူးပေါင်းရင်းမြစ်များ

KASAUKAN 22:6

Pasaani' ri Abragam luton ponolob ra taak simbalui no ri Isak, am io galama' magibit ra pais am baa pampaang ra apui. Liliwa' ilo nangkiralan,

MAZMUR 147:3

Namali' Io ra guang ru ulun ondo' nagagai guang, am tinapisan No pilat nilono.

MAZMUR 38:4

Sabap ra sangit Muno narualan malanjag aku; sabap ra tula kuno ngaangai' ru inan kuno mangaruol.

KAINGKUALAN 28:38

Musiti' pakapiton ri Arun ra rabas nano. Ralan ragitio Aku Tuhan mangapu ra ngaangai' pataakon ondo' taakin ru ulun ru Israil Raki', kabalu' pana nambaal ilo ra kasalaan paat ra mapataak ra taak no.

AMSAL 20:30

Sanganuan kaintutunan ra mapait mampaliom ra kalaatan am mamasau ra guang ru ulun.

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

IMAMAT 16:22

Magibit kambing no ra ngaangai' tula ru ulun ru Israil maalur giu' ra tana' kolondo' tutuu', ondo' kalo inayanan ru ulun. Palabuson boo kambing no giu' ra tana' kaagisan.

IMAMAT 22:9

“Musiti' ngaangai' imam gumagaya' ra aturan raginilo ondo' tinaakan Kuno. Amon ru kalo, makasala ilo am matoi sabap ra manggal ra aturan ra mangapasau no. Aku noyo Tuhan am Aku noyo napapasau risilo.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

UNTABAN 18:22

Ulun ru Israil ra bokon kalo boo iowon painggaaron ra Kim no. Amon ru minggaar ilo, maparatong ilo ra ukuman matoi risilo galama'.

MATIUS 27:26

I Barabas boo pinalabus ri Pilatus, am panusub io ra saujor-saujor mampalapos ri Jisus am pataakin no risilo ra salipon.

MATIUS 5:20

Balain takamin: Amon ru gumagaya' kau toojo ra kasagaan ri Aki Kapuuno' intor ra mangingila' ra Ukum ri Musa am ulun-ulun ru Parisi, bagu no masauk kau ra ulun ri Aki Kapuuno'.”

MATIUS 8:17

Gitio binaal i Jisus maa' raginio masauk boo ragu ru nabi Jisaya, “Io galama' nagibit ra kapaganan am napainggalur ra atan ayuk maruol takau.”

MARKUS 15:15

Palabuso' boo ri Pilatus i Barabas risilo, sabap ra mampakaansuk ra guang nilo. Panusub io boo ra ulun mampalapos ri Jisus am pinoloso no salipon.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 19:1

Palapasi' boo ri Pilatus i Jisus.

RINALATAN 10:35

Intor ra ngaangai' bansa', osoi ayuk pana sumamba ri Aki Kapuuno' am mambaal ra motopot, ulun no apuon ri Aki Kapuuno'.

RINALATAN 10:39

Akai noyo sasi' ra ngaangai' ondo' binaal Nali ra Judia am niayuk ra Jirusalim, am poyo ra ati kulaan sinalip am pinatoi nilo Io.

RINALATAN 13:29

Kopongo sinauk nilono ri Jisus ngaangai' ondo' tinulisan ra Buuk Kitab intor Riso, patuuno' nilo boo baangkai Nali intor ra salip am ongoi nilo lobongo'.

RINALATAN 5:30

I Jisus ondo' pinatoi min salipo' i, binayag noyo saguli' intor ra kapatayan ri Aki Kapuuno', ondo' sambaan ru kinamatuaan takali.

ROMA 6:11

Koson ayuk ragitio pangkaraan min; intor ra kuasa' ru tula akau koson ra ulun minatoi, kaa' maayag kau masimpung noyo ri Aki Kapuuno' ralalom inggalan ri Jisus Kristus.

ROMA 6:13

Pai' min polosoo' atan ayuk tayar ru inan mino kuasaan ru tula, koson pambabaal ra malaat. Kaa' polosoo' noyo i Aki Kapuuno' manguasa' ra kaayagan mino, koson ra ulun ondo' binayag noyo saguli' intor ra kapatayan am raino maayag. Taaki' noyo ngaangai' kaayagan mino ri Aki Kapuuno' koson pambabaal ra moonsoi.

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 6:2

Maaru' kalo! Itakau ondo' kalo boo kuasaan ru tula, sotopot no kalo boo rumayus mambaal ra tula.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

ROMA 6:7

Sabap ra amon ru sasangulun matoi, ulun no malabus intor ra kuasa' ru tula.

ROMA 7:6

Kaa' raino nakalabus takau noyo intor ra Ukum ri Musa no, sabap ra koson ra ulun minatoi takau noyo, ioginio kalo boo manguasa' io ritakau. Raino kalo boo mangandoi takau ri Aki Kapuuno' maya' ra ukum ondo' tinulisan, kaa' maya' ra ralan bagu ondo' tuluin takau ru Ambiluo ri Aki Kapuuno'.

1 KORINTUS 15:3

Tanou ra pinasaboi kutu ramuyun ti, iono ondo' naapu kuno galama' am ondo' maatang toojo ioginio: ra i Kristus minatoi sabap ra tula takau, koson tinulisan ra Buuk Kitab;

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

KOLOSI 2:14

Ginio nai ra linulu' ri Aki Kapuuno' ukum ru ngaangai' tula min i ra Io napapaku' risilo ra salip ri Kristus.

KOLOSI 2:20

Minatoi kano tupo mabaya' ri Kristus am pinalabus kano intor ra kalaatan ru tana' ti ondo' mangunguasa' ra ulun. Ginio nai ra pai' kano kaayag koson ayuk ra ulun ondo' lakat ayuk poyo kinuasa' ru gitio.

KOLOSI 3:3

Sabap ra akau ti karaan koson ayuk ra minatoi noyo am kaayagan bagu min sumimpung ri Aki Kapuuno' mabaya' ri Kristus, kalo makito ru ulun.

IBRANI 10:10

Sabap ra paat ri Jisus Kristus nampataak ra painawo Nano ra igondo' ayuk, itakau ngai' inimpasau intor ra tula am ginio sama' ra sabuoi-buoi no. Giminagaya' Io ra kasagaan ri Aki Kapuuno'.

IBRANI 10:5

Ginio boo i Kristus minindagu ri Aki Kapuuno' paat ra Io minatong ra tana' ti, kon Nano: “Sala' ka taak simbalui am poyo taak ra bokon ondo' kasagaan Muno, kaa' inaru' Mu noyo ra Aku sumauk ra ulun am mapataak ra painawo Kuno Rirun.

IBRANI 12:13

Parayus kano baya' ra ralan mabanis am pangindangan ra bokon, koson ra ulun pakira' no kalo masilik, kaa' mapali' boo.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 JUANIS 2:29

Nakapandai kano ri Jisus Kristus naayag maya' ra kasagaan ri Aki Kapuuno'. Ginio boo ra akau musiti' makapandai ra moonong ulun ondo' maayag maya' ra kasagaan ri Aki Kapuuno', io no anak ri Aki Kapuuno'.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.