1 PITRUS 2:22 - Tanou Moonsoi Timugon

²² Kalo noyo igondo' Io makatula am kolondo' sangulun pana nakaili' nokorongog ra magabau Io.

1 PITRUS 2:22 ပူးပေါင်းရင်းမြစ်များ

MAZMUR 34:13

Masaga' kau kia sumia' ra bayag? Masaga' kau kia makaumur ra maawar am bayag ra maansukan?

JISAYA 53:9

Linobong io pinabaya' ra ulun malaat; Lobong nano nakaunor ra ulun langkaya', kabalu' pana kalo igondo' io pambaal ra kalaatan, am kalo igondo' pamparuung.”

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

MATIUS 27:4

Kono, “Natulaan aku noyo sabap ra nampataak ra ulun kolondo' sala saboi inukum Io potoyo'!” Kaa' taam ilo, “Pai' ru akai, okou nambaal!”

LUKAS 23:41

Ukuman tati ragitio sama' pambabalos ru binaal tali, kaa' ulun ragitio kolondo' tupo sala!”

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

JUANIS 8:46

Osoi intor ramuyun no mampainono' ra makatula Aku? Amon ru mindagu Aku ra motopot, kua pai' kau pangintopot Raki'?

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 3:5

Nakapandai kano ra rinatangan ri Jisus Kristus ra tana' ti koson mamuso ra tula ru ulun. Am i Jisus galama' kolondo' tula.

PINAINTALANG 14:5

Ilo ti kalo igondo' pagabau am kolondo' sala.