1 PITRUS 2:21 - Tanou Moonsoi Timugon

²¹ Nampiau i Aki Kapuuno' ramuyun pantataan ra akau imboloon sabap ra mambaal ra moonsoi. I Kristus galama' inimbolo' ra bala min, am raginio nakapangani' Io ramuyun ra tiluan ondo' moonsoi suguton min.

1 PITRUS 2:21 ပူးပေါင်းရင်းမြစ်များ

MAZMUR 85:13

Saukon takau ru Tuhan ra lumangkaya', am tana' takau mapaingkual ra ampos masuang.

MATIUS 10:38

Osoi ayuk kalo mansaan ra salip nano am mugar maya' Raki' kalo sama' io masauk ra maamaya' Kuno.

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

LUKAS 24:26

Sala' ka kia Mamamayag ondo' sinusub ri Aki Kapuuno' i maaru' maimbolo' galing ra Io kalo poyo katulayon?”

JUANIS 13:15

Nanulu' Aku noyo ramuyun, maa' raginio mambaal kau ra atan ondo' binaal Kuli noyo ramuyun.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 17:3

Intor ra Buuk Kitab i, nampaintutun am nampaintopot io risilo ra Mamamayag ondo' sinusub ri Aki Kapuuno' i, maaru' imboloon am maayag saguli' intor ra kapatayan. “I Jisus i noyo ondo' pabalaan kuti ramuyun, Io no Mamamayag ondo' sinusub i,” kon ri Paulus.

RINALATAN 9:16

Aku galama' manulu' riso ra suang ru kapaganan ondo' mauma' no sabap ra Aku.”

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

1 KORINTUS 11:1

Tilu kano raki', mogondo' ra aku pana tumilu ri Kristus.

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

PILIPI 2:5

Tilu kano ra guang am pangkaraan koson mogondo' ri Kristus:

1 TISALONIKA 3:3

Koson boo raginio kolondo' sangulun pana intor ramuyun no lumonggo' mangintopot sabap ra kaimbalaan min ti. Akau galama' nakapandai ragitio noyo tayar ru kasagaan ri Aki Kapuuno' ritakau.

1 TISALONIKA 4:2

Sabap ra napandayan min ra nanuluan maili ramuyun intor noyo ra kuasa' ru Tuhan Jisus.

2 TIMOTIUS 3:12

Sotopot no, ngaangai' ulun ondo' masaga' gumagaya' am sumimpung ri Jisus Kristus, makatuum niayuk ra kaimbalaan.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 PITRUS 4:1

Sabap ri Kristus naimbolo', akau pana musiti' mangikang noyo ra pamaguangan min am tumilu kau Riso. Sabap ra ulun ondo' naimbolo' noyo, mininggalur io boo ra tula.

1 PITRUS 4:13

Kaa' sotopot no, pakaansuk kano sabap ra makaaya' kau kaimbolo' mogondo' ri Kristus. Koson raginio mulu' poyo kinaansuk min paat ra kuasa' ri Kristus paintalangon.

1 JUANIS 2:6

Osoi ayuk mindagu ra maayag io sumimpung ri Aki Kapuuno', musiti' io maayag koson ra bayag ri Jisus Kristus.

1 JUANIS 3:16

Atan togom no? Koson ragitio itakau makaulig ra togom ri Aki Kapuuno' no, ra i Jisus Kristus nampataak ra painawo Nano ritakau. Itakau pana musiti' manaak ra painawo takau ra pabukat-pabukat takau no.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.