1 PITRUS 2:19 - Tanou Moonsoi Timugon

¹⁹ Amon ru pantataan ayuk guang min ra akau ilaaton ru ulun ra kolondo' sasaban, sabap ra makatutun kau ra kasagaan ri Aki Kapuuno', barakaton No akau.

1 PITRUS 2:19 ပူးပေါင်းရင်းမြစ်များ

1 PITRUS 2:20

Atan noyo maalap koompor amon ru mataan guang mino ra akau ukumin sabap ra makasala kau tupo? Kaa' amon ru pantataan guang min ra akau imboloon sabap ra binaal min ra moonsoi, barakaton kau ri Aki Kapuuno'.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

LUKAS 6:32

“Amon ru motogom kau ra ulun ondo' motogom ramuyun no ayuk, atan onong no ramuyun? Ulun makatula pana motogom ra osoi ayuk motogom risilo!

ROMA 13:5

Ginio ra akau musiti' gumagaya' ra parinta – sala' ka sabap ra malaa' ra ukum ri Aki Kapuuno' ayuk, kaa' sabap ra bolos ru guang min mampaintutun ramuyun raginio.

JUANIS 15:21

Kaa' ngaangai' no baalon nilo ramuyun sabap ra akau maamaya' Kuno, am sabap ra kalo nakaulig ilo Riso ondo' nanusub Raki' i.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

2 KORINTUS 8:1

Pabukat kau ngaangai', masaga' akai ra akau makapandai ra ati kulaan asi' ri Aki Kapuuno' ra pasimpungan ulun Kristian giu' ra pagun Makidonia.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

MAZMUR 119:86

Ngaangai' panusuban Muno maintopot; indangano' aku no sabap ra ulun mangimbolo' am manimbaal raki'!

MAZMUR 69:4

Naagui aku nampiau ra makiindangan, am bambalangan kuno maruol. Mato kuno mapari' maginaa ra pangindanganan Muno.

MAZMUR 38:19

Iowon ku tula kuno; magalabo guang kuno ra nasalaan kuno.

MAZMUR 35:19

Pai' polosoo' pantula' ra maabau-abau no, ondo' magasab ra naalaan kuno! Pai' polosoo' ulun ondo' masisang raki' ra kolondo' sasaban, maansukan ra kangilukan kuno!

AYUP 21:27

Nakapandai aku atan karaan min, am kalaatan raki' ondo' inatang min.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

IBRANI 10:2

Amon ru ulun ondo' sumamba ri Aki Kapuuno' no totopot inimpasau intor ra tula, kalo boo mangkara' ra makatula ilo am kalo pana boo magibit ilo ra taak simbalui.

1 PITRUS 4:15

Amon ru mokoondo' intor ramuyun mampatoi, mantakou, mangkalaat, kapoam sumombot ra atan ondo' baalon ru bokon, am imboloon io boo, ginio noyo balos no.