1 PITRUS 2:15 - Tanou Moonsoi Timugon

¹⁵ Sabap ra kasagaan ri Aki Kapuuno' noyo ginio, ra mambaal kau ayuk ra moonsoi, koson mopolonggo' kau ra panguwan ru ulun bungas ondo' kolondo' onong no.

1 PITRUS 2:15 ပူးပေါင်းရင်းမြစ်များ

AYUP 2:10

Taam i Ayup, “Okou mindagu koson ra ulun sasambungon. Paat ri Aki Kapuuno' nangani' ra ondo' moonsoi, inapu takau. Itakau niayuk musiti' mangapu ra ondo' kalo moonsoi.” Kabalu' pana naimbolo' i Ayup, kalo mindagu io ra ragu-ragu ondo' manggal ri Aki Kapuuno'.

AYUP 5:16

Nangani' Io ra kalansanan ra ulun musikin, am nangimut ra kabang ru kolondo' katimpakan.

MAZMUR 107:42

Ulun moonsoi maansukan makakito ra baal raginio, kaa' ngaangai' ulun malaat pinongkoror.

MAZMUR 5:5

Iou Aki Kapuuno', kalo masaga' Kou ra kalaatan; kalo kasagain Mu ulun malaat soroi ra saang Muno.

AMSAL 9:6

Tatango' noyo sasambungon maa' raginio kaayagan muno makaansuk. Bayaa' noyo kaayagan ru ulun mapintar.”

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

MATIUS 25:2

Limo ngaulun ti sasambungon, kaa' limo ti matanda'.

MATIUS 7:26

“Moonong ulun ondo' mangkirongog ra raguon Kuno kaa' kalo gagayaan no, io ti koson ra ulun bungas ondo' nambaal ra baloi nano ra tampak ru agis.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

1 TISALONIKA 4:3

Sabap ra masaga' i Aki Kapuuno' ra kaayagan mino mapasau, ginio ra inggalur kano ra baal ru pansasawaan.

1 TISALONIKA 5:18

Paringkuanang kau ayuk ra ngaangai' ondo' matuum min, sabap raginio noyo kasagaan ri Aki Kapuuno' ramuyun koson ra ulun ondo' sumimpung ri Kristus Jisus.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

TITUS 2:8

Raguo' noyo pangilaan motopot ayuk ondo' kalo mauwan ru ulun, maa' raginio pantula' muno mangauyu' sabap ra kolondo' rondo' pana panguwan ritakau.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

1 PITRUS 3:17

Sabap ra moonsoi poyo maimbolo' sabap ra mambaal ra moonsoi – amon ru ginio noyo kasagaan ri Aki Kapuuno' – intor ra maimbolo' sabap ra mambaal ra malaat.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.

JUDAS 1:10

Kaa' ulun koson raginio magasab ra ngaangai' ondo' kalo napandayan nilono. Ilo ti koson ayuk ra bibiag masigo ondo' maya' ayuk ra kinibit ru pamalimanan nilai no. Paliso ragitio noyo mangkinibit risilo ra kapusaan.